Video
Read full review
2008-10-19
51 views
尋日同老婆去澳門過一週年紀念, 行到攰攰地咁搵野食啦, 咁岩撞到呢間 "皇冠小館", 聽d人講d野食幾好咁去試下啦, 果陣19:30一入去個服務員係度叫左介紹佢地個 奄仔海蟹粥、竹升雲吞蝦子撈麵 夠兩個人食, 咁佢咁有信心就叫啦, 除左蟹粥同撈麵, 叫多左個蝦醬炒通菜結果佢一黎黎左個小小既通菜, 食左之後心諗, ok喎, 冇介紹錯喎之後等左大概15分鐘, 個撈麵都到喇, 好細碟但係就平平冇奇, 除左話有蝦少少味同鹹之外就冇喇, 比之前個通菜都搶晒d味... 好冇癮... 跟住好野喇, 通菜食完, 撈麵都食埋, 等左足足一個鐘, 我地坐係佢出菜口附近, 佢出菜口有個鐘, 冇呃你, 足足一個鐘, 個蟹粥都仲未到, 但係之前見佢出左4個, 心諗唔對路啦, 轉頭一睇, 後面班食緊粥既人同我入黎果陣唔同晒, 完全知道咩叫遲黎先上岸, "食" 無前後, 達者為先同個老板講佢又淨係係度摧, 同係咁講唔好意思, 果陣差唔多20:50, 真係火到黎完成冇補鑊心態, 如果對唔住可以醫肚既, 咁我唔駛去你度食野啦, 去你度食野都係想食好野同醫肚啫, 味道又一般般, 又醫唔到肚個蟹粥總於出場, 兩隻蟹蓋, 一
一入去個服務員係度叫左介紹佢地個 奄仔海蟹粥、竹升雲吞蝦子撈麵 夠兩個人食, 咁佢咁有信心就叫啦, 除左蟹粥同撈麵, 叫多左個蝦醬炒通菜
結果佢一黎黎左個小小既通菜, 食左之後心諗, ok喎, 冇介紹錯喎
之後等左大概15分鐘, 個撈麵都到喇, 好細碟但係就平平冇奇, 除左話有蝦少少味同鹹之外就冇喇, 比之前個通菜都搶晒d味... 好冇癮...
跟住好野喇, 通菜食完, 撈麵都食埋, 等左足足一個鐘, 我地坐係佢出菜口附近, 佢出菜口有個鐘, 冇呃你, 足足一個鐘, 個蟹粥都仲未到, 但係之前見佢出左4個, 心諗唔對路啦, 轉頭一睇, 後面班食緊粥既人同我入黎果陣唔同晒, 完全知道咩叫遲黎先上岸, "食" 無前後, 達者為先
同個老板講佢又淨係係度摧, 同係咁講唔好意思, 果陣差唔多20:50, 真係火到黎
完成冇補鑊心態, 如果對唔住可以醫肚既, 咁我唔駛去你度食野啦, 去你度食野都係想食好野同醫肚啫, 味道又一般般, 又醫唔到肚
個蟹粥總於出場, 兩隻蟹蓋, 一大一細, 但係個身就邊半隻半隻(兩份), 既係半隻大半隻細, 唔係分開一半出四份, 粥有蟹味冇甜味, 又冇落鹽, 真係火上加油..
如果大家去澳門有過多時間, 想試下馳明既 "一個鐘蟹粥" 加 "唔彈牙撈麵" 不防去試下, 趕船o既朋友就可免則免喇... 如果想先食野, 又有個地方可以比你坐, 坐到餓d野都仲未到既, 呢間肯定係首選
Post