Video
Read full review
2009-09-22
64 views
9月5日星期六,澳門兩日一夜遊我同女朋友本來係去威尼斯玩,個時都夜晚7點幾,個日見新濠天地新開張無耐咪去睇下有無新野睇囉加埋之前收到訊息話新濠天地自助餐128買一送一咪去睇下係唔係真囉,係個商場連賭場周圍慢僈遊左成個鐘睇埋佢有個4D動畫(半個鐘,免費,勁好睇@@,唔洗帶咩立體眼鐘,就咁睇都好立體@@,去開新濠可以去睇下)睇完我地先去搵餐廳個餐廳真係幾得意,係個賭場中間,但都幾開揚去到佢大大個BANNER寫128+買一送一,你無睇錯,係有個加號跟住走去問佢係唔係128蚊,佢話係128加一,咁收一個人錢送多一個人可咁我問下自助餐到幾點完,佢話到10點30分,因我地睇完動畫都成8點半,計落140蚊兩個,一個人先70蚊,咁都抵啦,好過出去食,(隔離威尼斯M記都要50蚊一個餐)諗下就算差都可以試下姐,最多下次唔食@@跟住我同女朋友兩個排隊,可能係星期六既關係,都幾多人,有成廿幾三十人隊緊,但好在佢都多位,都只係排左15分鐘,跟住入去啦,佢話收錢先,咁我比完,咁我即出去睇下有咩食先@@生既,除左生果,無其他生野食,即係無刺新個D,鐘意三文魚唔好諗E間,好彩我不太好無生既主菜,即係全都係熟食加甜品,
我同女朋友本來係去威尼斯玩,個時都夜晚7點幾,個日見新濠天地新開張無耐
咪去睇下有無新野睇囉
加埋之前收到訊息話新濠天地自助餐128買一送一
咪去睇下係唔係真囉,係個商場連賭場周圍慢僈遊左成個鐘
睇埋佢有個4D動畫(半個鐘,免費,勁好睇@@,唔洗帶咩立體眼鐘,就咁睇都好立體@@,去開新濠可以去睇下)睇完我地先去搵餐廳
個餐廳真係幾得意,係個賭場中間,但都幾開揚
去到佢大大個BANNER寫128+買一送一,你無睇錯,係有個加號
跟住走去問佢係唔係128蚊,佢話係128加一,咁收一個人錢送多一個人可
咁我問下自助餐到幾點完,佢話到10點30分,因我地睇完動畫都成8點半,
計落140蚊兩個,一個人先70蚊,咁都抵啦,好過出去食,(隔離威尼斯M記都要50蚊一個餐)諗下就算差都可以試下姐,最多下次唔食@@
跟住我同女朋友兩個排隊,可能係星期六既關係,都幾多人,有成廿幾三十人隊緊,
但好在佢都多位,都只係排左15分鐘,跟住入去啦,
佢話收錢先,咁我比完,咁我即出去睇下有咩食先@@
生既,除左生果,無其他生野食,即係無刺新個D,鐘意三文魚唔好諗E間,好彩我不太好
無生既主菜,即係全都係熟食加甜品,我數過,熟食大約有廿幾款,甜品十款唔夠,冷盤一隻手指數得曬,咁講返我個日見到D咩同食左D咩啦
有叉燒包,菜肉包,燒賣,油雞,叉燒,白飯,青紅羅白湯(燒味檔=.=),我食左燒賣,叉燒同個青紅羅白湯,燒賣同叉燒好好味,燒賣唔係粉做既,同街邊個D唔同,叉燒唔肥唔廋,加埋加左好多蜜糖去燒,好入味,個湯夠熱,一般姐,
跟住有焗生蠔,我見好多人搶=.= 好彩我唔食蠔,但可能間野新開,所以加返D新野既時間都幾快,無左,唔洗5分鐘會有人加返
有羊仔骨,牛仔骨,牛柳,蜜汁豬肋骨,我無食羊,牛仔骨同牛柳試過,OK,唔錯,但又唔係特別好食,但個蜜汁豬肋骨我食左好多件,真係幾好味,幾入味
跟住有D咖哩薯仔,四季豆,豆腐,個D一般熟食,每樣都幾好味,唔錯
甜品有一件件西餅咁既蛋餅,我無食=.=但個樣唔吸引我
甜品有有蜜瓜,西瓜,橙3樣,西瓜唔錯,幾甜,
以70蚊黎講係超值,就算以128一個人黎講都OK架,但如果140咁就要諗諗,
因真係好少野食,但味道係唔錯,可能係真開張,味道係好少少
當初金沙新開個時都好好味,但現在已經唔同曬=.=
講多一樣野,間野係有免費野任飲,但只限西柚汁同清水=.=,其他要比錢
唔明點解西柚汁?我多數見任飲既地方,多數主打橙汁大路野飲,佢咁樣幾特別=.=
補充個優惠係唔知做到幾時既,因問佢地,佢地都話唔知=.=
特別介紹,佢地門口放左個牌,話有8蚊優惠,有幾樣野食, 有麵,粥,但最吸引我去望係話有8蚊海南雞飯@@,咁抵,睇下有咩規矩先,原來係11點PM到早上6點AM,搵人笨,宵夜時段=.=,但下次有機會,如果仲有8蚊海南雞飯,真係要試試@O@
Post