Video
Read full review
2013-07-07
601 views
2月3日, 澳門之旅入住16浦, package包咗嘅早餐我地當然唔會放過, 一早我地就嚟醫下肚先~ 環觀一下個食物枱, 食物種類都幾多, 又中又西飲品種類都有十種, 坐低之後我地就開始我地嘅早餐~::: 飲品 :::平時嘅早餐多數都係d橙汁、蘋果汁咁, 但係呢度果汁數量幾多, 除咗基本嘅, 仲有西柚汁、西瓜汁等等差唔多總共有十種~ 每一種味道都幾鮮, 並唔係人工味, 咁多款選擇, 可以自己試下溝出唔同嘅果汁, 同出面d果汁舖咁嚟個雙拼果汁都唔錯~ 除咗果汁之外, 仲會有乳酪, 牛奶, 可以溝麥片食, 味道就中規中矩啦, 都係d超市買到嘅麥片. 另外, 侍應仲會喺入座嘅時候問你要coffee or tea, 不過咖啡就一般, 啡味唔濃, 加奶都唔掂.::: 沙律 :::沙律款式都幾多, 有唔同種類嘅沙律, 薯仔沙律、三文魚沙律撈好晒俾我地任揀, 另外仲竟然有新鮮嘅沙律菜, 俾我地自己撈, 配上數種沙律醬, 可以滿足到沙律愛好者~ 沙律菜有紫椰菜、生菜呀咁, 都幾新鮮, 咬落幾爽口, 喺食主菜之前refresh一下口腔, 唔錯~::: 中式 :::總括喺咁多款早食之中, 可以分開2邊,
::: 飲品 :::
平時嘅早餐多數都係d橙汁、蘋果汁咁, 但係呢度果汁數量幾多, 除咗基本嘅, 仲有西柚汁、西瓜汁等等差唔多總共有十種~ 每一種味道都幾鮮, 並唔係人工味, 咁多款選擇, 可以自己試下溝出唔同嘅果汁, 同出面d果汁舖咁嚟個雙拼果汁都唔錯~ 除咗果汁之外, 仲會有乳酪, 牛奶, 可以溝麥片食, 味道就中規中矩啦, 都係d超市買到嘅麥片. 另外, 侍應仲會喺入座嘅時候問你要coffee or tea, 不過咖啡就一般, 啡味唔濃, 加奶都唔掂.
::: 沙律 :::
沙律款式都幾多, 有唔同種類嘅沙律, 薯仔沙律、三文魚沙律撈好晒俾我地任揀, 另外仲竟然有新鮮嘅沙律菜, 俾我地自己撈, 配上數種沙律醬, 可以滿足到沙律愛好者~ 沙律菜有紫椰菜、生菜呀咁, 都幾新鮮, 咬落幾爽口, 喺食主菜之前refresh一下口腔, 唔錯~
::: 中式 :::
總括喺咁多款早食之中, 可以分開2邊, 一邊係中式, 都不外乎係點心同粥之類~ 點心都好豐富, 燒賣、粉果、叉燒包、糯米雞呢d基本野唔少得, 不過大多都好似蒸得過耐, 水份太過滲入以致有d淋pat pat, 叉燒包最為甚, 個包皮已經濕到淋晒, 不過唔計個外皮, 味道係唔錯嘅~ 而當中以糯米雞最好, 因為佢唔怕蒸過耐, 糯米雞中嘅料都幾多, 糯米又唔會硬, 雖然都唔會係自家製, 不過已經好好~ 炒麵呀, 蘿蔔糕呀呢d都有, 蘿蔔糕係粉多咗d, 味道口感都有, 可以一食~
::: 西式 :::
除咗中式點心之外, 當然唔少得食個all day english breakfast必定有嘅腸仔煙肉蛋茄汁豆之類~ 麵包選擇豐當, 多士牛角包唔少得, 個牛角包竟然出奇地好好味, 咸甜得宜, 仲幾香脆鬆軟, 好少食自助餐會食2個牛角包… 另外仲有薯餅、熱香餅、自選配料嘅奄列, 有好多野食, 真係一次過點食得晒~
::: 甜品 :::
最唔同嘅可能係個甜品枱, 因為喺早餐時段食呢d甜品有dd over掛~ 除咗d正正常常嘅果撻、cake, 仲有雪糕、朱古力噴泉, 仲有一棵好搶眼嘅macaron樹~ 先講雪糕, 有6 款揀, 最好味嘅有朱古力、雲尼拿同咖啡, 其他嗰d就係果味雪芭, 早餐可以食到3-4球雪糕真係好滿足~ macaron樹上嘅macaron顏色鮮艷, 不過食一個就真係夠喇… macaron好睇唔好食, 可能擺得太耐, 非常之淋, 亦都甜到冇朋友咁滯…
呢個酒店早餐, 款式就多, 但係好食嘅就唔算多, 相比起d新酒店, 當然呢度都唔及人地一半, 只不過已經係合格有餘~
Post
