台式茶飲喺香港大受歡迎，但經常飲用好容易攝取過多糖分。根據世界衞生組織建議，以一個每日攝取 2,000 千卡能量嘅成年人為例，每日游離糖攝取量應少於 50 克（約 10 粒方糖）。攝取過多糖分會導致肥胖和增加患上糖尿病嘅風險，唔想咁樣，最好養成少糖嘅習慣！現時有 15 個品牌，逾 100 間茶飲店參加咗「少糖星期五」計劃，只要逢星期五喺相關店舖購買指定嘅「少糖」、「微糖」或「無糖」飲品，即可以減 HK$2！今次再推介另外 3 間參與計劃嘅茶飲店精選畀大家，當中天仁茗茶嘅減兩蚊優惠設於星期二，大家敬請留意啊！
銅鑼灣（東南大廈）分店
台灣起家、有多間分店嘅台式茶飲店，以下3款茶飲選擇少糖或無糖，茶香會更突出㗎！
913茶王
無論天氣冷或熱，甘醇滋養嘅人參烏龍茶都係潤喉嘅好選擇，而913茶王採用台灣中部高山茶區嘅上等烏龍茶同頂級粉光參，再加入參葉調製而成，參味唔會太重，容易入口，又唔會蓋過清香嘅茶味。想品嚐天然嘅甘甜味道，建議最好選擇無糖版喇。
寒天香橙綠茶
寒天被視為天然嘅膳食纖維，本身就對身體有益，而茶底混合微酸嘅新鮮橙汁、帶茉莉花香味嘅綠茶，少糖或無糖嘅話，入口更加清爽，解渴潤喉。
919深焙珍珠鮮奶茶
919茶王同樣係人參烏龍茶，而且屬重度焙火，味道較沉香同濃厚，唔會因為減糖或走糖而覺得淡口。加上混合頂級參粉、鮮奶同Q彈嘅蜂蜜珍珠，本身自帶甜味，無需額外加糖都好夠味。
尖沙咀(宏生大廈)分店
同樣嚟自台北嘅珍珠奶茶店，絕大部分原材料都由台灣運到香港，想品嚐食材嘅原味道，無糖係最佳選擇呀～
紫薯於你
如果你係紫薯愛好者，招牌之一嘅「紫薯於你」絕對啱你飲。店家選用香甜嘅台灣紫薯蓉，加入清潤嘅秘製黑糖汁以及大量鮮奶，奶香味濃，「無糖」更加可品嚐紫薯嘅原汁原味！
泰好喝歐蕾
正宗口味嘅泰式奶茶糖分較高，呢杯「泰好喝歐蕾」就混合紅茶底、泰國奶茶同鮮奶，甜度相對低啲，若額外加糖會蓋過奶香同茶香，所以揀微糖或無糖，味道最平衡。
葡萄柚四季春
如果你鍾意台式鮮果茶，不妨試試葡萄柚四季春，清香嘅四季春茶底配上新鮮西柚粒，再以台灣直送果釀糖沖泡，調節出最理想嘅甜度，選擇無糖就試到果粒嘅清爽味道喇。
中環分店
長洲起家嘅乳酪飲品小店，其實都有清香嘅特色茶飲，好啱鍾意少糖飲品嘅朋友仔。
桂花碳焙烏龍
烏龍味道偏濃，茶葉碳焙後就更加強烈，而清香嘅桂花可以令濃茶嘅味道變得溫和香醇，更易入口，無需加額外糖分作調和。
玫瑰四季春
屬於青茶嘅四季春，本身已帶淡淡花香同甘甜味，再加入玫瑰花茶葉，花香香氣更盛，選擇微糖甚至無糖，就可以細味呢份香氣。
冬瓜菊花
台式茶飲店必有嘅冬瓜茶，帶有冬瓜嘅天然甜味，加入額外糖分反而破壞清爽淡雅嘅味道；店家特別配上大大朵菊花，慢慢滲出清新花香，呢個配搭坊間少見啊。
*資料由客戶提供
