唔好成日話我哋淨係介紹日韓台嘢食喇，今次開飯仔搜羅到本地出品嘅新口味杯麵！呢款炒麵王係20周年限量版，充滿香港風味嘅蝦子蠔油海鮮味，特製杯蓋設計好方便，淥完麵之後落晒啲配料就可以shake shake搖勻，我哋買咗個嚟試吓味，即睇解構：

杯麵份量約75克，同另一個牌子一樣。有醬料、配料及蝦子包，不過配料入面只係得蔬菜，一隻蝦米一粒蛋都冇！

先加熱水淥麵3分鐘，之後揭開半個蓋倒返啲水出來，特製杯蓋係方便嘅。

加入醬料同蝦子，根據指示閂蓋shake shake 30次。

得咗！shake完即刻撈勻晒。蝦子味道好香好濃，一包都幾多，shake完之後每條麵都沾滿粒粒蝦子，係好食嘅。醬汁係蠔油，食唔出有咩海鮮味。但以杯麵嚟講，味道算係唔錯，係配料得葱同紅蘿蔔就削啲囉。

7-11獨家發售，每個$10.9，鍾意食蝦子嘅朋友一試無妨。

文、相、片：Perrins