仲有個零星期聖誕，諗好咗有咩節目未？一日三餐食咩好？講清楚少少，三餐係指午餐、下午茶同晚餐咋，咁早餐呢？難得放假，你邊有咁早起身吖，係咪？

靚靚午餐 海龍王餐廳



有冇朋友仔聖誕會入海洋公園玩？裡面嘅聖誕大餐同其他餐廳相比，一啲都唔會輸蝕呀。燭光聖誕餐唔一定要夜晚先食到，日光日白都有！講緊嘅係呢道「龍蝦煙三文魚、牛油果及芒果沙律配鴨肝醬」，造型做到成支蠟燭咁，又幾特別喎。甜品都好有創意，整到成頂魔術帽咁，係竹炭紅桑子朱古力慕絲蛋糕配雲呢拿雪糕嚟，大人細路見到都個個變晒童心。

Cute cute 胡桃夾子下午茶    香港洲際酒店大堂酒廊



平時要返工，可能冇乜機會出去食個afternoon tea，聖誕咪食返夠本囉。洲際嘅下午茶一向都係令吃貨們心心眼嘅，今年聖誕仲特別推出咗個以胡桃夾子同糖果王國做主題嘅下午茶餐，有mousse有蛋糕等等，每件甜品個樣都好靚靚，無論係獨立影定係影group shot都實呃到like！

芝士火鍋晚餐    Mr & Mrs Fox

聖誕圍埋一齊打邊爐都幾開心，除咗傳統嘅邊爐，近期大熱嘅芝士火鍋都可以考慮下呀，呢間餐廳用咗兩隻芝士加埋酒，秘製咗個芝士鍋底，好香濃嘅芝士味中間又滲咗淡淡嘅酒香，唔會太膩，由頭打到落尾都仲係有好多芝士喺個煲度，係興奮嘅。打邊爐嘅配料有麥麵包、薯仔同埋比較少見嘅紅菜頭，感覺有啲小清新~ 係聖誕special嚟㗎留意返。

甜品方面，聖誕期間特別推出南瓜芝士蛋糕同黃油核桃批，南瓜嗰個南瓜味唔算話非常之出，但係上面片南瓜糖霜幾脆口，甜甜der。餐廳有3層樓，地下係Bar，一樓係餐廳，二樓可以用嚟包場開P。

文：Kar



聖誕特集：
自己開Party 外賣到會美食有咩揀？
聖誕蛋糕揀樣定揀口味？Why not both？（有片）
食平啲啲 轉戰聖誕Lunch Buffet
全港首個波板糖自助餐！ 2大聖誕巿集邊行邊食
聖誕禮物送乜好？8大給__ __ 的聖誕禮物建議返
聖誕大餐有平有貴 特色聖誕buffet精選
味覺想旅行！多國聖誕套餐大哂冷
聖誕自家製Party Food推介！
聖誕禮物送乜好？聖誕tsum tsum版Haagen Dazs很想要吧
星巴克聖誕驚喜！石榴鮮奶抹茶新登場
環球聖誕食呢啲


 

隨時接收最新資訊
讚好OpenRice專頁！