無論係水餃、湯餃定煎餃，餃子都係唔少人嘅Comfort Food，加上有多款餡料選擇，係一支公想食個快靚正Lunch或者晚餐嘅首選。今次開飯仔就介紹六間可以用OpenRice外賣自取服務嘅餃子店，而即日起至7月31日，首次落單滿$40即減$20*！星期一同星期五另有快閃優惠，滿$45用優惠碼「FLASH15」即減$15^！
►立即體驗：https://bit.ly/2ZTqNDb
漲卜卜金黃煎餃 北方餃子源
呢間餃子店喺灣仔起家，而家開到西環、旺角等唔同地方。重口味朋友可以食京蔥羊肉餃，有羊肉香味但唔會太羶。另一食家推介係西洋菜豬肉餃，菜肉比例啱啱好，香口唔膩。佢哋嘅煎餃仲係三面生煎，粒粒金黃香脆又唔油！
車胎人推介手擀皮餃子 阿純山東餃子
2013年起登上米芝蓮車胎人美食推介，特別之處係餃子皮為北方手擀皮，比一般嘅厚而口感更煙韌！最多人嗌西洋菜鮮肉餃，另外亦有坊間比較少見嘅蕃茄雞蛋餃、青島墨魚餃等等。怕唔夠飽可以加點拍青瓜、尖椒皮蛋等涼拌小食當前菜，醒胃一流。
深水埗魚湯韮菜餃 囍八方餃子麵館
如果鍾意飲白雪雪魚湯嘅話，就可以試深水埗呢間小館嘅鮮魚湯韮菜餃。魚湯味道鮮甜唔腥，配埋菜脯真係可以飲晒成碗。再加皮薄飽滿嘅韮菜餃，清清哋又夠飽。另一必試嘅係手撕雞腸粉，雞肉分量夠多，撈埋麻醬甜醬豉油一齊食，無得輸。
深水埗住家老火湯餃 家後
圖：小陽春
鍾意湯餃嘅朋友，深水埗仲有呢間都係推介。手工餃子大大粒又多汁嘅同時，湯底仲可以揀是日例湯，而例湯通常都係好有住家Feel嘅老火湯，好似粉葛赤小豆煲豬骨咁。就算係一般豬骨湯都飲得出味道自然，絕對唔係味精湯嚟㗎。
炮台山有營餃子小店 營然
非常時期大家都想食得健康啲，呢間小店就啱喇。餃子口味唔多得五款，但都係菜肉均衡而且唔加味精。比較特別嘅有蟲草花豬肉餃子，咬得到一條條蟲草花爽口口感。強烈建議大家配埋佢哋嘅自家製飲品，例如潤肺健胃嘅無花果雪梨蘋果茶、清熱祛濕嘅檸檬薏米水等。
馬鞍山抵食餃子 尚月廚房 (餃子湯麵專門店)
餐廳一如其名主打餃子同湯麵，餃子係每日喺舖頭即製即包，粒粒新鮮。無辣不歡嘅朋友可以點韓式辣味豬肉餃或者青尖椒豬肉餃，食素嘅話就可以點香菇蔬菜餃子，相反食肉獸就可以加個五香牛腱雞翼併盤。順帶一提外賣自取仲可以買生餃子同袋裝肉丸返屋企自己煮㗎。
除咗上述優惠外，即日起到12月31日，逢星期二同星期四用埋Mastercard®付款滿$80，仲有即減$20嘅獨家優惠#！想享用Openrice獨家優惠，就記得用Openrice apps落單嗌外賣自取啦～
仲等？按此立即落單
*迎新優惠條款及細則：https://bit.ly/3fs0rPo
^快閃優惠條款及細則：https://bit.ly/2YwT6I6
#Mastercard優惠詳情：http://bit.ly/2QzELXA
※外賣自取餐廳名單：https://s.openrice.com/QrbV00G0000takeAway~etas
※圖片只供參考
