又即將到要唱「熱辣辣熱辣熱辣辣好熱好熱」嘅夏天，無論喺街定喺辦公室都需要一杯透心涼嘅凍飲消下暑！用OpenRice嘅外賣自取落單，就唔使曬住太陽排隊啦。慳返時間仲慳埋錢，因為用Alipay畀錢即減2%！推介埋以下四間特色飲品店，歎住凍飲過一個爽歪歪嘅夏天啦。
 

即沖輕養生茶飲　Tea Express Bar by Jrink

香港茶商Jrink嘅新品牌，雖然係方便外賣嘅茶吧，茶藝師一樣會以茶筅手打日本茶或現泡原片茶葉，保證大家品嚐到優質茶飲。而且主打輕養生概念，飲品都係低糖配方，唔少配搭嘅食材又有養生功效，好似日本檸檬蘇打加咗骨膠原珠珠，紫薯3.6牛奶嘅紫薯有豐富花青素有助抗衰老呀。
 

健康台灣酵醋　醋頭家

熱到無晒胃口不如呷下醋？佢哋嘅酵醋直接由台灣進口，而酵醋味道微酸唔嗆喉，仲有助瘦身、排毒同埋改善腸胃問題。可以配搭鮮果、小紫蘇、唔同茶底，甚至加牛奶變成酵醋優酪，口味多元化。同時亦有起司鮮奶蓋茶、黑糖波霸鮮奶等無酵醋嘅飲品，真係總有一杯啱心水。
 

手作花香珍珠　茶樂

舊年興起黑糖珍珠，但其實珍珠除咗原味同黑糖之外，仲可以有好多口味㗎。呢間連鎖店就主打手作珍珠，有櫻花、桂花、白玉、芒果、火龍果等任君選擇。仲可以配搭唔同茶飲，好似櫻花樹下就係宇治抹茶拿鐵配手作櫻花珍珠，漸變抹茶拿鐵配上粉紅色珍珠好搶眼！
 

現炒粒粒黑糖珍珠　幸福週末

黑糖珍珠熱潮繼續！呢間店非常易認，皆因門口會有個超大手搖杯，真身其實係炒黑糖珍珠嘅爐！熱賣No.1係黑糖珍珠海鹽鮮奶，即係黑糖珍珠、鮮奶、海鹽鮮奶霜，上面再灑黑糖粉，口感豐富。另有水果系列、清新系列同養生系列，玫瑰桂花泡泡同草莓鮮奶都好受歡迎。
 

仲等？按此立即落單