話說Haagen Dazs搵咗千幾個人做咗個調查，大概就係計下佢哋開蓋之後見到嘅雪糕面係咩樣，同埋邊種味嘅雪糕會容易啲出現呢種樣，再為遇到呢啲心心嘅朋友預測一下嗰日嘅運程。
微笑的心
彎彎地嘅凹印，大約有半杯雪糕咁多，望落就好似smile face咁，睇見都開心，如果你抽中呢杯雪糕，應該都會有啲令你微笑嘅事會發生。
罕見指數：* （26.5%）｜ 較易見於：呍呢嗱味
小圈圈
呢杯中間凸起少少嘅，就可能就暗示緊你對每日嘅生活唔多滿意，覺得爭緊少少嘢咁，不過希望你食完呢杯之後可以開心啲啦。
罕見指數：** （15.3%）｜ 較易見於：抹茶味
不對稱的心
心大心細喎你，是咪有啲煩惱呢？
罕見指數：** （11.1%）｜ 較易見於：士多啤梨味
淚滴的心
咁大滴眼淚，代表緊你或者會遇到啲影響你心情嘅事喎，不過又唔一定係sad嘅，眼淚都可以係開心嘅眼淚嚟。
罕見指數：*** （10.4%）｜ 較易見於：抹茶味
未成形的心
仲差少少先係一個完整嘅心心，咁就要靠你自己去幫佢定性，改返個名喇。
罕見指數：*** （7.7%）｜ 較易見於：-
BB心
嘩！你都算好彩喇，有個心心不特止，仲要多多粒bb喺隔籬，好少有㗎。咁都畀你見到，或者好快就會有啲驚喜嘅事發生喇！
罕見指數：**** （3.6%）｜ 較易見於：曲奇味
分心
連個心心都分開，點解？你懂的。Come on James，拿出你嘅勇氣，準備踏出新嘅一步啦！
罕見指數：**** （2.1%）｜ 較易見於：士多啤梨味
咀唇心
WOW！kissy kissy kissy~ 成個咀唇咁嘅心心，可能係暗示緊你好快就會有啲令你心跳加速嘅事要出現喇！
罕見指數：**** （2.0%）｜ 較易見於：士多啤梨味
清清楚楚的心
食雪糕可以見到咁靚嘅心心，簡直就係可遇不可求啦，如果你咁有幸遇到，Well，你真係好好彩囉，幸運之神會好好眷顧你㗎喇嗰日。
罕見指數：***** （0.2%）｜ 較易見於：-
正面的心
頭先嗰個心心已經好正，呢個心心仲要係突出嚟，就更加正，亦都更加少機會見到。見到嘅朋友，你真夠運，應該會有足夠嘅正能量畀你去過呢一日㗎喇！
罕見指數：***** （0.1%）｜ 較易見於：-
完美的心
呢個真係終極幸運嘅象徵喇喂！咁大個心心印咗喺度，見到都心心眼。不過佢嘅出現率直情係低到計唔到。嗚呀，如果我有機會見到就好喇！
罕見指數：-｜ 較易見於：-
無論你信唔信都好，下次食嗰陣，即管留意下見唔見到個心心囉~~嗯，我最近食嗰杯個心……係咁㗎：
你哋呢？
來源：Haagen Dazs
文：Kar
隨時接收最新資訊
讚好OpenRice專頁！