《密密食‧密密賞》趁住聖誕檔期又返嚟啦，約緊或者已經約咗聖誕飯聚嘅朋友仔留意啦，只要喺活動期間到指定餐廳消費，累積滿一定金額，就可以參加抽獎，分分鐘食餐飯就帶到部PS5返屋企，甚至係價值$8000嘅旅遊禮券！

今次介紹幾間亞洲菜畀大家，有韓式、泰菜、新加坡菜同火鍋！

正宗韓國Fine Dining OOULI

聖誕節唔一定要食西餐先夠grand㗎！呢間韓式fine dining位於銅鑼灣，全店落地玻璃，坐窗邊可以喺高空俯瞰銅鑼灣景色，好浪漫呀。餐廳由韓國釜山人Jim Kim開設兼掌廚，主廚對料理有一份執著，所有食材由韓國直送，保留到原汁原味韓味道，再加上主廚嘅創意，每一道料理都好精緻好好味！如珍珠米飯配鰻魚湯，首先佢嘅米選用自家韓國農田種嘅珍珠米，再用韓國特製蒸飯機即煮，超飽滿軟Q～鰻魚湯熬咗10幾個鐘，好鮮甜，配埋5種韓國傳統伴菜—韓式黑豆甜合桃、醃製芝麻葉、魚鰾伴菜、韓國辣椒、牛蒡，令人好有驚喜。頂級1++韓牛都唔可以錯過，每食一啖都有香濃牛味～

詳細介紹►超美正宗韓國Fine Dining! 俯瞰銅鑼灣靚景【設VIP房開Party】

超澎湃火山排骨 Milu Thai มิลู่ไทย

想食得豐富又抵食嘅話，泰國菜餐廳Milu Thai就啱你喇～除咗常見嘅泰國菜，重有當地嘅特色料理同自創款式，如曼谷拉差達夜市好受歡迎嘅火山排骨，幾條大排骨䇄立喺碟上，高達30cm，好澎湃啱晒相機食先！排骨選用多種泰國香料及豬頸骨熬煮3至4個鐘，入味之餘肉質嫩滑；配埋秘製酸辣醬汁好開胃。火焰燒雞同青胡椒辣椒膏炒大頭蝦都係招牌菜，前者皮香肉滑仲有火焰效果睇；後者將蝦隻炸至香脆增加口感；再配上多種泰國香料、青胡椒同辣椒膏快炒，微辣好惹味，同時又無蓋過蝦嘅鮮味。即日起至2023年1月3日，午市仲有全單7折優惠～

詳細介紹►【聖誕午市全單7折！】人氣泰國菜餐廳嘆火山排骨+三咖喱火鍋

文青裝修新加坡菜 JOM

走入灣仔大王東街，見到呢間裝修雅致嘅店舖會以為文青咖啡店，點知原來係一間新加坡料理！餐廳以白色搭配湖水綠，恬靜閒適。聖誕佳節呈獻4人套餐及6人套餐，並推出「藥材肉骨茶雞」、「蝦仁烏達」、「金沙軟殼蟹」三款聖誕限定菜式，畀大家喺聖誕試試新意思～藥材肉骨茶雞以地道新加坡方式烹調，清香芳郁的湯底滋補暖胃，搭配嫩滑嘅雞髀，好滋補！蝦仁烏達係星馬風味的特色小食，以魚肉泥混合辣椒、香茅、椰漿等不同香料，用蕉葉包裹烤烘烤，惹味非常。金沙軟殼蟹好邪惡，鹹香幼滑金沙配埋鬆脆軟殼蟹，香脆又鹹香，愈食愈上癮！

詳細介紹►獅城滋味！灣仔JOM「新」聖誕大餐！

自創火鍋湯底+配料   滾得棧

打邊爐不分時節，想打就打，聖誕打邊爐一樣得，仲可以過得暖笠笠添。呢間火鍋店喺深井、油麻地同天后都有分店，去邊區gathering都一樣咁方便。4款皇牌湯底包括滋補養顏嘅花膠響螺雞湯、油麻地分店限定嘅麻辣雞煲、鮮甜嘅麻辣小龍蝦湯，同埋由餐廳大廚自創嘅潮式紫菜湯！每個湯底都相當濃郁，同時又各有特色，無論淥牛定淥海鮮都好合適。特別推介招牌本地牛脊背，脂肪分佈平均，肉質幼嫩，肉味香濃！去油麻地店晚巿做齊指定動作，仲有得送啤酒或汽水呢。

詳細介紹► 【送啤酒汽水】X’mas到人氣火鍋店齊齊滾

《密密食．密密賞》聖誕大抽獎！200份勁獎等你搶！

活動日期：2022 年11月22日 至 2023年1月2日
更多活動詳情：(按此)  
推廣生意的競賽牌照號碼：56353