《密密食．密密賞》強勢歸來，活動期間約咗朋友食飯嘅就留意下，食住飯都可以有機會贏大獎，得到Apple iPhone 13 Pro、酒店禮券或OpenRice電子優惠碼，只要去返指定餐廳消費就得啦。唔同國家菜式嘅餐廳都有㗎。
今次介紹返各間多國菜同自助餐餐廳，有高CP值主題自助餐、人氣過江龍、正宗中東菜、型格打卡酒吧、美式手打牛肉漢堡、意式手工Pizza，唔同餐廳更有唔同嘅消費優惠！
南洋風情海鮮美饌 濠餐廳 
掛住星馬泰美食，可以嚟沙田呢間酒店餐廳嘆八九月限定嘅「東南亞海鮮燒烤美饌」自助餐啊！最有特色嘅當然係即席炮製嘅池畔燒烤，選擇琳瑯滿目，有燒蠔、燒豬頸肉、燒大蝦、串燒、燒西冷牛肉等。多款精選熱葷例如泰式咖喱、海南雞飯、新加坡喇沙，同消暑特飲例如芒果沙冰、七彩椰汁冰、班蘭龍眼冰都充滿南洋風情。
詳細介紹►麗豪酒店東南亞海鮮燒烤美饌自助餐 展開星馬泰「味」力之旅
全新泰越海鮮自助餐 御花園咖啡室
特別鍾意食泰國同越南菜嘅話，就唔好錯過銅鑼灣呢間酒店餐廳最近推出嘅「海鮮 ● 泰越滋味饌嚐」自助晚餐啦，選用多款時令海鮮，炮製出色香味俱全嘅泰越菜式，例如泰式生蝦刺身雞尾酒杯、泰式爆炸蟹、咖喱龍蝦等。回本必食嘅冰鎮海鮮選擇亦相當多元化，龍蝦、麵包蟹、藍青口、鱈蟹腳、海蝦都係任食啊。
詳細介紹►全新「海鮮 ● 泰越滋味饌嚐」自助晚餐限時買二送二
5,000呎中西美食飯堂 尖沙咀美食坊
呢個佔地約5,000平方呎嘅美食坊有多間餐廳選擇，好似英國炸魚薯條Zan Fish嘅姊妹店The Chippy，食材100%從英國到港，加埋展示知名球星包括碧咸、美斯嘅親筆簽名球衣，好有英倫氣息！另外亦有主打特濃蝦汁海鮮焗飯嘅焗飯農莊，必試佢哋濃稠花膠雞湯嘅山東餃子花膠湯飯專門店，特飲造型獨特最啱打卡嘅The Fountain等。
詳細介紹►【TST新平民食堂】美食坊平食豪華料理! 英國·日本·泰菜都有
波斯人主理正宗烤肉 SAFFRON Persian Cuisine
中環呢間餐廳由兩位真·波斯人開設，係香港第一間波斯菜餐廳。對波斯菜認識唔多？其實波斯菜係好多中東菜系嘅起源，味道變化豐富而且講求平衡。餐廳以藏紅花為名，米飯、雞肉同部分飲品都會加入矜貴嘅藏紅花！例如烤雞胸肉串咁，雞肉呈現嘅金黃色就係嚟自藏紅花嘅天然色素。更有多款波斯家庭料理同小食選擇。
詳細介紹►【真·波斯人開】波斯菜平衡身心 藏紅花貴如黃金入饌!
霓虹燈型格餐廳酒吧 基地
一班90後老闆主理嘅餐廳酒吧，從環境到食物出品唔少都係只此一家。例如餐廳各處佈滿佢哋設計嘅幻彩霓虹燈，每幾個月就轉一次增加新鮮感。食物以歐洲菜為主，請嚟法國菜大廚炮製羊肚菌鵝肝雞飯、法式紅酒燴牛面、芝士菠菜意大利雲吞配牛肝菌忌廉汁等心機菜。Cocktail同Mocktail亦有多款充滿玩味選擇。
詳細介紹►【食飯飲酒直落】霓虹燈下法國/歐洲菜 輕鬆chill
海旁嘆手打牛肉漢堡 MOO MOO Plus 
想搵間睇到維港海景嘅餐廳而又夠抵食？銅鑼灣呢間主打美式漢堡嘅西餐廳就啱晒啦！招牌雙重芝士牛肉漢堡有兩塊以Smash方法全人手打製嘅安格斯牛肉餅，仲係即叫即煎，配埋雙層芝士、招牌醬汁等，多重滿足。亦有新推出嘅特選鮮味套餐，包晒餐湯、前菜、主菜、甜品同飲品，親民價嘆到Fine Dining級數！
詳細介紹►【拍拖啱晒】浪漫Dinner MOO MOO Plus
手工意大利Pizza+意粉 M3 Italian
餐廳一直堅持以大眾化嘅價錢，供應意大利地道手工Pizza同意粉，難怪開店以嚟口碑都唔錯。Pizza批底厚薄適中口感煙韌，秘訣係嚟自全手搓嘅自家製麵團。而手工意粉就勝在食落彈牙又富蛋香，皆因係大廚用咗日本蛋每日新鮮手製，所以無論係最受歡迎嘅龍蝦汁意大利粉，或者素食嘅番茄羅勒意粉都特別滋味。
詳細介紹►【即mark優惠! $498二人餐】手製意粉&Pizza 意大利傳統味!
《密密食．密密賞》夏日齊消費．食飯贏手機！
活動日期：2022年8月15 日 至 9月25日
活動詳情（按此）
