「日本人本身對師傅同埋食物都好尊重......如果有一次啲湯飲淨咗，佢會問你點解會飲淨，係咪啲嘢食唔好食?」

日本人的飲食文化，「惜食」 是他們其中一個重視的元素。提到「惜食」，位於筲箕灣東大街的「八雲札幌拉麵店」，是其中一間「咪嘥嘢食店」，早於未參加計劃前，原來已開始把日本人的「惜食」文化注入香港地。

 
食飯前，諗一諗

差不多在日本拉麵界打滾接近廿年的蔡師傅，跟過正宗日本拉麵師傅學師。經過多年在日本餐廳打工後，五年前在筲箕灣開設這家以札幌拉麵做主打的店子，拉麵、餃子、炒飯，三樣都是店內的招牌主角。

入行有廿年經驗的蔡師傅。

「世界上的食物，越食會越嚟越少。我哋越開發，啲嘢會越少，就算係一棵樹都要等好幾年先至生返出嚟，更何況係食物。」由從前添飯不用加錢，到現在添碗飯要加錢，背後潛藏著對珍惜食物的考量點。「幾年前開始，我哋要（加）飯需要加錢，以免食唔晒就好鬼晒！」

對於添飯或少飯，日本人都會「分得那麼細」，會有···「多幾多」、「少幾多」的想法，食飯之前想想自己的「食量」。現在，在拉麵店裡，蔡師傅除了著重「加錢添飯」外，若然遇到有人「嘥咗嘢」，他會去關心了解，「有人試過食剩成碗嘢，原因係因為自己唔開心，佢坐係咗度叫完碗嘢，無心情食落去。（笑）」
 

日本人的「食之尊重」

日本人對於自己本土的米覺得很珍貴，就連日式飯煲也會很「惜食」，「可以咁講，日本飯煲keep飯可以keep到第二日，保溫程度好。日本電飯煲有個好處，將多咗嘅飯放到第二日再食，都可以keep到唔會嘥嘢。」

札幌拉麵以麵豉湯為主。

蔡生不諱言，札幌拉麵「未必入到主流」，相對九州的清湯湯底和東京拉麵的豉油湯底，札幌湯底的煮法和用料完全不同，以泥黃色的麵豉湯底作主，每天淆製十多句鐘，笑言湯底是全碗麵的「靈魂」。日本人對於師傅和食物都很尊重，連湯底都會飲清光，試過有日本拉麵店在碗底印有「真男人」，喻意「飲晒無嘥嘢」，真男人是也！
 

用「自己的方式」　對待廚餘

參照其他國家的珍惜食物例子，除了實行「加錢」加飯，對於處理廚餘，在處理湯底方面，他們會用「自己的方式」去創造一套「惜食」之道。

「我哋所有嘢多數唔會嘥，我哋會將啲蔥頭蔥尾、洋蔥頭、菜類啊會攞嚟煲湯，出到嚟嘅效果更加好，更加入味。」每日設計好當天煮出的食物份量，例如店內名物之一的餃子，就是即日即製，賣完就無。可以說，店內沒有太多廚餘，近收舖時食物已所剩無幾。
 

開店之外　食物的「靈魂」

若然有一天沒有了這家店，忘記了店名，有一種東西大家肯肯定不會忘記 ── 就是每一張枱上，都會放有一盤九粒的熟雞蛋。聽蔡師傅說，曾經有四個男人總共吃了四盤雞蛋，數量之多令人驚訝。事實上，雞蛋在拉麵中是一個重要的配材，湯底與雞蛋出奇地match！那麼，每枱的雞蛋會否食剩浪費掉？

招牌食物：餃子與牛油拉麵、枱上的任食「熟雞蛋」

「我們唔會整太多，全部雞蛋到晚上都會賣清，唔會嘥嘢食嘅。」簡單一盤雞蛋都可以做到無浪費，就連平日蔡師傅與屋企人食飯，都會叫他們不要去嘥嘢，由自己出發，貫徹「惜食」之道！

提到咪嘥嘢，連「牛油拉麵」也有故事！

最後，蔡師傅談到食物時，講到牛油拉麵有個有趣故事：有個日本人因為太肚餓，煮完個麵打開雪櫃看看有沒有其他配料，發現只得「牛油」，便主動用這個來做「配對」，一試，意外地好味道，「牛油拉麵」便就此誕生了！
 

後記：下次到八雲，可以試試吃粒熟雞蛋，連拉麵的湯都飲吧！
 

文：Jamie
相：Calvin Kwok