新年食盆菜，除咗貪佢多料，咩都有之外，重要係盆滿砵滿、豐衣足食嘅意頭，同埋合家團圓嘅象徵。下個月就係新年喇，今年大家更需要能量同祝福，開飯仔特意搜羅咗幾個盆菜選擇同大家介紹下，早啲買仲有優惠添。
極上龍蝦日式盆菜 申子居酒屋
平時食開嘅盆菜都係中式盆菜，想有啲新意思，不如試吓呢間日式居酒屋推出嘅日式盆菜，材料同傳統完全唔同！餐廳分別推出蝦蝦大笑嚴選日式盆菜及極上龍蝦日式盆菜，後者足足有成十六款食材，包括原隻波士頓龍蝦、鮮味廣島蠔、南非鮑魚、北海道帆立貝、日式照燒雞件、慢煮黑豚肉、汁煮叉燒、汁煮一口芝士豚肉、自製年糕福袋、鹿兒島豬軟骨、原燒豆腐、日本板魚蛋等，湯底係無激素雞湯，仲附埋原條鰻魚、芝士及白飯，最後可以煮個芝士鰻魚飯呀～
預訂傳送門: https://forms.gle/8THMndZJsZXqZRk16
正宗圍村家鄉盆菜 帝豪海鮮酒家高級宴會廳 
呢間酒樓推出傳統圍村風味嘅盆菜，價錢公道。盆菜內有成十幾款嘢食，包括生曬金蠔、一級發菜、茄汁煎大花蝦、貴妃雞、明爐燒鴨、椒鹽鮮魷等等，非常豐富，仲可以有支紅酒添。
餐飲券：【感受傳統圍村風味 !】帝豪圍村家鄉盆菜（6位）+ 特選高級紅酒一枝
想睇更多呢間餐廳嘅餐飲券按此
龍蝦鮑魚盆菜 永軒優質食材專門店
新年當然要食豪啲啲，呢間食品分銷店除咗提供各種凍肉同多國食物，仲有提供外賣龍蝦鮑魚盆菜，每個盆菜都有1隻大龍蝦、每人仲可以分到鮑魚同花膠等名貴食材，夠晒豪華呢~ 而且而家仲有9折餐飲券，想食就趁早訂啦～
餐飲券：一品盆菜! 龍蝦鮑魚盆菜 (6-9 人份) (外賣自取)
想睇更多呢間餐廳嘅餐飲券 按此
山珍海味盆菜 新同樂魚翅酒家
曾榮獲米芝蓮星級推介嘅中菜館，都有推出盆菜。主打山珍海味，全部由餐廳廚房自家製，岩手珍珠乾鮑、鮑汁扣鵝掌、豆醬烤鴨、蝦籽五味農場雞，仲有懷舊嘅蝦籽柚皮等，通通都包括喺佢哋嘅奢華盆菜入面，相信家中長輩一定鍾意呢~
餐飲券：加熱即食盆菜! 岩手乾鮑 鵝掌 烤鴨盆菜 配 蝦籽五味農場雞(4-6位用)
想睇更多呢間餐廳嘅餐飲券 按此
傳統粵式盆菜 輝哥私房菜 
生於廚藝世家，有超過40年入廚經驗嘅輝哥，佢主理嘅私房菜推出咗兩款以傳統老廣州手法烹調嘅盆菜：分別係極上龍蝦鮑魚花膠盆菜 、一品龍蝦花膠盆菜。聽個名都知，兩款都係行奢華路線。前者更有19款高級食材，包括原隻南非鮑魚、上湯煨花膠、原隻北海道帆立貝、原隻美國龍蝦等高質海鮮，份量十足！加1蚊仲可以追加多隻龍蝦添。
重要優惠
另外，即日起凡經OpenRice購買賀年食品嘅餐飲券，輸入優惠碼【CNY200】，滿HK$200即減HK$40，輸入優惠碼【CNY500】，滿HK$500即減HK$120！優惠名額有限，先到先得，額滿即止。
（詳情按此）
文: Hailey
編：Kar