中國有唔少食物都有寓意，好多時我地都會喺節日食返啲應節嘅食物，攞吓好意頭，如新年食年糕，有步步高陞之意。原來日本都同我哋一樣有食應節食物嘅習俗，據日本嘅民間傳說，食指定水產可以增強運勢，以下三款日本人常吃嘅魚生富有特殊意義，亦有轉運功效，同時營養豐富，對身體仲有好多好處添！
長壽富貴 鯛魚
相傳在日本代表豐收之神「七福神」惠比壽，曾經手執鯛魚現身，而且日文中鯛魚發音吉利，所以鯛魚喺日本有崇高嘅地位。鯛魚嘅壽命可超過40年，而且魚身呈紅色，故有長壽富貴同祝福之意。另外鯛魚亦低卡高蛋白，有助維持肌肉及令老年人強身健體，豐富嘅維他命B1都有助保持皮膚健康及預防感冒。
出人頭地 油甘魚
日本油甘魚又名「出世魚」，日文「出世」意為「出人頭地」，而油甘魚成長至唔同階段會有唔同名稱，就好似人喺社會上步步晉升一樣，所以有出人頭地寓意。據說16世紀時一啲武將同大名會會互贈油甘魚，所以油甘魚對日本人嚟講係一份珍貴禮物。油甘魚嘅魚油對身體有唔少好處，DHA‧EPA 令大腦常保活絡，改善血液循環，硒元素亦能保護身體抗氧化。
順風滿帆 帆立貝
扇貝（帆立貝）於古時屬高級食材，日文為「帆立」，因為形狀同帆船相似同埋游水姿態有如乘風啟航一樣，有順風滿帆之意！鮮甜嘅帆立貝牛磺酸含量高，有效紓緩疲勞同強化肝臟。鋅亦能促進新陳代謝，改善皮膚同頭髮問題。
想喺香港搵間餐廳食齊呢三種日本產開運魚轉吓運，尖沙咀嘅割烹櫓杏幫到你。餐廳由即日起至10月31日推出以三種魚為主題嘅特別菜單「緣起物Fair」，當中的「開運食材會席料理」，由前菜、刺身及甘味一共九道菜，大部份都以鯛魚、油甘魚及帆立貝作主題。
此外都有供應以三種魚為主題嘅單點菜單，如帆立貝海膽冷麵、薄切真鯛魚刺身、炸帆立貝配蕃茄忌廉汁煮渡蟹及真鯛魚茶漬飯等。嚟緊想轉吓運的話，一於去試吓啦～
地址：尖沙咀彌敦道63號iSQUARE國際廣場28樓2801號舖
而呢間位於銅鑼灣嘅佐楽同樣有供應以開運魚為主題嘅菜單，唔想自己諗食咩，可以試試呢個日本開運魚特別套餐，前菜、主菜及甜品合共有九款食物，如炸帆立貝海膽紫菜卷及鯛魚味噌燒等，款款都好吸引啊！至於單點菜單，都有烤鯛魚、鯛魚茶漬飯及油甘魚噌燒等開運魚美食，鍾意嚐「鮮」味嘅朋友記得去試試！
地址: 銅鑼灣霎東街15-21號12樓
想了解更多開運魚的秘密？瀏覽以下網址啦！
https://seafood-jfoodo.jetro.go.jp