聖誕節要有氣氛，拆倒數日曆或準備節日禮籃都好加分，而日曆橫跨朱古力、爆谷、茶包𠻹，睇啱就入手啦～

倒數巧克力日曆 Venchi

圖：品牌（官網）

以冬季仙境、聖誕村為題而設計嘅「倒數巧克力日曆」，單睇包裝已經好有聖誕氣氛。分別包含25款同31款品牌嘅標誌性朱古力，牛奶、黑色Granblend口味都有機會出現。另外仲有「聖誕原粒榛子巧克力磚方形禮盒」、重達1kg嘅特濃黑朱古力味Panettone Chocoviar等節日限定品㗎。

爆谷聖誕倒數月曆 city'super

英國爆谷品牌嘅「Joe & Seph’s爆谷聖誕倒數月曆」，用100%天然食材炮製14款爆谷，當中2款為全新節慶限定口味，放假煲劇啱晒。另外朱古力迷可以留意空運自法國普羅旺斯嘅「Francois Doucet朱古力聖誕倒數月曆」、同樣嚟自法國嘅「Le chocolat des Francais Chocolate朱古力聖誕倒數月曆」，以及city’super獨家代理嘅「ROYCE’巧克力禮盒倒數月曆」。而由傳統聖誕薑餅演變而成嘅薑餅屋，打卡都好靚㗎。

歡樂聖誕花藍/糖果禮盒 Soulgood Bakery

芝士fans注意～呢間巴斯克蛋糕專門店有聖誕限定甜點外，仲有聖誕2人歡樂聖誕花藍、4人歡樂聖誕樹禮盒、8人歡樂聖誕樹禮盒可以揀，分別盛載巴斯克芝士蛋糕、牛奶特飲、特色甜品罐同免費聖誕頭飾，揀邊款都咁有feel。如果想揾細盒裝同朋友開心share，Q版聖誕棉花糖禮盒、的士糖禮盒都係唔錯嘅選擇。

金字塔有機茶包 3pm Tea Shop 

圖：品牌（官網）

聖誕節少不免會食甜品、蛋糕，配杯茶解膩都唔錯。呢間擁有自家斯里蘭卡茶園嘅英國有機茶莊，專賣有機、純天然、無咖啡因嘅果茶、朱古力茶、糖味茶、傳統接骨木花茶等，而內含25個金字塔有機茶包嘅「倒數茶盒」就有多款特色茶，如薑黃生薑檸檬草、蘋果玫瑰果肉桂、馬黛茶可可椰子等。

聖誕禮物籃 香港半島酒店

要好好獎勵自己同愛人嘅話，5星級酒店嘅「聖誕禮物籃」一定幫到你～今年靈感源自昔日蒸氣船時代嘅復古行李箱，精緻有質感。當中包括半島香檳、自家製朱克力、薑餅曲奇、聖誕蛋糕、煙燻杏仁、芥末果仁同法式鴨肉醬，更配備聖誕拉炮、可愛嘅半島小熊同聖誕襪，氣氛滿滿又溫馨。

樂在聖誕倒數月曆 可口可樂

今個聖誕，可口可樂®首度推出大型倒數活動，以「樂在聖誕倒數月曆」打響頭炮，由即日起至12月25日，消費者只要每日登入官方網站，即可解鎖「天天有賞」限時節日驚喜，搶盡全港超過2,000間商戶嘅豐富優惠！品牌仲會同步推出「樂在聖誕．一飲即慶同嚐」活動，購買可口可樂®公司旗下品牌嘅指定多罐裝有汽產品 ，並於每日上午10時最快登入COKE+，並上傳即日有效購買收據，即有機會贏取一系列驚喜獎品。每星期獎品都唔同，當中包括香港迪士尼樂園門票、OpenRice電子禮券、可口可樂®限量版餐具套裝、烤盤同儲物樽等等。

文：Cathy