香港貴為美食之城，匯聚世界各地嘅美食佳餚，選擇又多又吸引，好似去咗個大型美食嘉年華咁開心！3月30日，一於一人一票，一齊參加呢個美食嘉年華！投票支持心水熱店後，更有機會參加*大抽獎贏取豐富獎品！
外賣自取服務令開餐變得更加方便，預先落定單，夾啱自己開餐時間去拎外賣就得，等待嘅時間都慳返。而家愈嚟愈多餐廳都有提供呢個服務啦，所以呢個組別嘅競爭都幾激烈㗎。今次入圍嘅餐廳咩種類都有，包括香辣川菜、米芝蓮點心、老字號大排檔小炒、台式夜市小食等，睇完邊間啱心水嘅記得投票啊：
冒菜自選配料+辣度 烏蠅館 
圖：好似港式車仔麵咁，可以自由組合配料同辣度嘅冒菜，係呢間川菜館嘅主打食品之一。配料接近50款，如四川臘腸、鴨血、豬大腸等；而幾款湯底中，麻辣味可自選辣度，特別口味則有藤椒、四川酸湯，如果揀寬粉、粉絲或番薯粉索埋湯汁會更加滋味；配埋川式紅油水餃、麻辣飯款、涼拌小食夠晒豐富。
米芝蓮點心專門店 一點心
圖：安坐家中都可以平食米芝蓮食品嘅～呢間點心專門店曾經奪得米芝蓮一星殊榮，以大件夾抵食嘅高質點心作招徠，係區內嘅人氣餐廳。其中愈來愈少見嘅古法炸蛋散，食落脆口鬆化，另外熱賣嘅蟹皇蒸燒賣、薄皮鮮蝦餃、擂沙炸煎堆等都好足料。
主打台式牛肉麵 桂花小幸
圖：台灣菜款式多，口味又大眾化，一家大細都啱食。好似呢間餐廳招牌之一嘅三盛紅燒牛肉麵，腱心牛肉、牛腩同牛筋都煮得軟腍入味，分量足料。另外辣辣地嘅士林胡椒豬肚湯飯、秘罈酸菜魚雞湯飯都值得一試，配埋滷水豬手、麻辣爽豬肚、手搖飲品等多款台灣名物，做正餐、下午茶都得。
夜市風格台式餐廳 九份飽
圖：另一間入圍嘅台式餐廳，裝修同食物都走夜市風格，其中香酥排骨刀削麵嘅排骨，炸得香脆惹味，麵條煙韌彈牙，幾受大家歡迎。小食同甜品方面則推介海苔肉鬆起司蛋餅、炸甜不辣、九份芋圓等，再配返杯台式飲品，如愛玉仙草奶茶、黑糖芋頭牛奶即刻當堂好似味遊咗轉台灣咁。
老字號大牌檔 陳根記
圖：開業超過30年，由禾輋邨街市大牌檔搬去石門入舖後，店內裝修保留大排檔風格，如圓形摺檯鋪上即棄膠檯布。菜式方面， 香煎蠔餅嘅蠔仔分量幾多，而且粒粒飽滿，係必食人氣款式；另外Wasabi手撕雞、潮式滷水拼盤、芥末沙拉醬燒骨、魚香茄子等都好受歡迎，唔想煮飯時叫就啱晒。
另外入圍嘅外賣自取餐廳仲包括香港永年車仔麵茶冰廳、荳子冰室、百芳池上便當、川亭、好叉好味、Outback Steakhouse、亞泰、嘉寶漢堡、樂天皇朝、百份百餐廳、荳子、牛奶冰室、王牌冰室、正斗粥麵專家、Pickabowl、豐信餃子店、老掌櫃東北菜館、金鳳大餐廳、八方台式麵屋、堅信號上海生煎皇、春水堂、齊柏林熱狗店、花斑茶社、川婆婆及八方雲集鍋貼水餃專門店，揀啱就快啲去投票啦，你嘅一票將直接影響結果！是次投票共四個投選組別，首3000位參加者於投票期內完成所有投票，合共54票，即可獲得OpenRice 500積分（等值Rice Dollars $50），名額有限，先到先得。 投票期內完成兩個投選組別的參加者即可自動參加*大抽獎，贏取豐富獎品！
活動詳情（按此）
立即投票（按此）
想支持心水餐廳，記得注意返投票日期：2023年3月30日 - 2023年5月3日
*推廣生意的競賽牌照號碼：56879-80
