雖然話唔少吃貨對雪糕「越凍越愛」，不過如果有芭菲杯又有西多士又唔同講法啦係咪？尖沙咀呢間人氣芭菲Cafe唔單止有超過100種芭菲，最近仲出埋全新法式西多士，三款唔同口味都咁吸引！
 

Ufufu Cafe嘅芭菲同梳乎厘班戟不嬲都有唔少捧場客，而今次嘅西多士依然製作認真。法式西多士係先將厚切麵包浸入日本北海道牛奶蛋液，吸收哂蛋液後再煎成金黃色，簡單配忌廉同雪糕就已經夠吸引。
 

法式士多啤梨西多士就喺西多士上加上一粒粒鮮甜多汁嘅士多啤梨，各位女士見到係咪立刻冒出心心眼？
 

最後仲有呢款法式焦糖&香蕉西多士，焦糖同香蕉呢個經典配搭，配埋蛋香濃郁嘅西多士真正甜到入心。
 

如果係忠實Fans嘅話就會留意到佢地會根據日本時令食材推出期間限定Menu，而呢個冬天就有廣島鮮牡蠣！無論係炸廣島蠔、忌廉蠔意粉，定廣島蠔忌廉汁大白菜意粉都用咗廣島灣嘅飽滿肥美生蠔，回味無窮。

開飯編輯推介：

1. 【專訪】「我喜歡堅持 我只得堅持」 新入圍米芝蓮法式泡芙店谷底反彈

2. 2017年港澳版米芝蓮指南

3. 10月份好評餐廳十強

熱門文章推介：

1. 行葵廣 食紫薯 6間小食店逐間試

2. 走入荔枝角工廈 發掘唔同地方好味道

3. 精選芋圓甜品舖PK戰

隨時接收最新資訊
讚好OpenRice專頁！