開主題餐廳唔一定係Hello咪咪、蛋黃哥等外來勢力嘅專利，土生土長嘅癲噹，最近就宣佈全面佔領夢見屋愉景新城分店，踩過界做店長！
店子裡裡外外都可以見到癲噹同老友阿讚的蹤影，由壁畫、掛畫、吊燈、和風門簾、座位到菜式、餐牌等等，都滿佈其萌樣，店內的超巨癲噹更換上萌爆和服浴衣look示人，集郵必影！
食物款式和賣相都吸引，例如萌貓芝心年糕就燙上可愛的癲噹大頭，年糕經烤熱後口感煙韌，一口咬下，流心芝士立即湧出來，奶香濃厚，配上紫菜，不好吃才怪。
香趣雞塊伴貓咖喱飯定食也有誠意，以紫菜粉在米飯灑上癲噹的模樣，唐揚雞塊外脆內嫩，與自家調製、微辛香濃的日式咖喱是絕配。另也有調皮貓湯烏冬定食等，親子丼及沙律以特別版癲噹樣大碗及貓耳盤盛載，食完可以將癲噹的大頭還原。
癲噹兒童定食，以玩具車造型的食物盒盛載奄列茄汁雞肉飯、沙律、曲奇和棉花糖等小食，新鮮又有營養，小朋友勢必大愛！
甜品方面，就有士多啤梨貓屋吐司、蜜糖喵班戟、彩虹喵芭菲、北海道3.7牛乳貓咪軟雪糕、癲噹熱牛奶抹茶等，賣相一律走fancy路線，迅速秒殺鏡頭。
店內同時推出特別版夢見屋 X癲噹餐具禮盒，除了可合併的癲噹萌樣大碗及貓耳盤後，還有穿浴衣的癲噹店長杯！凡主題餐廳惠顧任何食品，可加$148（Tomato Club會員價為$98）換購一套餐具禮盒；加$68（Tomato Club會員價為$48）可換購夢見屋 X 癲噹萌樣餐碟。數量有限，售完即止。
文：fi
隨時接收最新資訊
讚好OpenRice專頁！
