電子消費券已經正式接受登記，唔知用喺邊好？成日話民以食為天，所以當然要用嚟食返餐好喇！由8月1日起，只要成功以AlipayHK支付寶或Tap & Go「拍住賞」Mastercard卡領取消費券嘅用戶，可以喺OpenRice應用程式及AlipayHK應用中心OpenRice小程序內四個服務、超過6700間參與餐廳使用。部分餐廳及平台結帳優惠更可以同消費券同時使用，最平低至43折，折上折真係勁抵！今日啱啱領取完嘅朋友仔，或者上次拎咗未用晒嘅朋友仔，都可以一齊睇下OpenRice消費券至抵使用攻略。
最抵食攻略一：網上訂座+OpenRice Pay堂食結賬 
用OpenRice網上訂座唔使等位之餘仲可以專享餐廳優惠，以OpenRice Pay結賬又可享付款補貼，折扣後選擇以AlipayHK及Tap & Go Mastercard卡扣減消費券餘額，最平優惠低至48折！溫馨提示一定要揀返有提供OpenRice Pay服務嘅餐廳呀。舉個例子先，好似去呢間位於佐敦嘅西餐廳Plato Cafe & Bistro，經OpenRice訂座有主餐牌5折優惠，叫一份主餐牌上嘅招牌德國脆皮鹹豬手($308)、法國鵝肝松露野菌扁意粉($198)及西班牙黑毛豬鞍扒($328)，5折後再使用OpenRice Pay付款，消費滿$400輸入優惠碼「PAY60」即減$60，真係平好多！
圖: 最抵食攻略二：餐飲券+Mastercard付款補貼 
OpenRice餐飲券一向都好抵買，今次選擇完心水餐飲券專享餐廳優惠，以Mastercard結賬又享有付款補貼，折扣後以Tap & Go Mastercard卡扣減消費券餘額，最平優惠低至43折！好似銅鑼灣漁港薈嘅金裝龍蝦海鮮蒸鍋5折餐飲券，本身已經有半價，買夠兩張消費滿$400用Mastercard付款可以再減$60，真係抵上加抵！
圖: 18ma
最抵食攻略三：外賣自取+AlipayHK 
唔想出街迫，買外賣返屋企慢慢嘆都唔錯！於AlipayHK應用中心OpenRice小程序內使用外賣自取已經可享餐廳優惠，再於App內領券及使用OpenRice商戶優惠券再享有付款補貼，折扣後選擇以AlipayHK扣減消費券餘額，最平優惠低至43折！好似尖沙咀呢間酒店The Food Gallery本身外賣自取已有全單7折優惠，再加埋AlipayHK內嘅減$30優惠券，好抵食。
