天氣終於開始轉涼啦，對於一年四季都可以打邊爐嘅香港人嚟講，又點可以唔烚吓烚吓呢～OpenRice Pay今期同過百間食鍋物嘅餐廳合作推出優惠，由即日起至11月30日，以OpenRice Pay堂食結賬單一消費滿$500，輸入優惠碼「HOTPOT50」即減$50！除咗港式火鍋，仲有雞煲、日式涮涮鍋同台式臭臭鍋得，夠晒多元化。名額1000個，先到先得，手快有手慢冇呀～
港日韓風火鍋放題 最想吃 
灣仔任飲任食嘅樓上火鍋店，主打一人一鍋，港式、日式同韓式嘅湯底、食物都有得揀，咁就啱晒唔同人嘅口味！價錢方面分三個等級，最平$218就可以任食120分鐘，想食好啲可以揀澳洲M6和牛肉眼放題套餐，和牛肉質軟腍，有入口即溶感覺，任食嚟講呢款牛係幾高質素，性價比高～一共就有五款湯底揀，包括美顏花膠鍋、日式北海道牛乳鍋、韓式泡菜鍋、麻辣鍋同日式海帶豆腐鍋。
日式涮涮鍋 相馬日式火鍋
圖：shylau
同樣主打火鍋放題，不過呢間就主打日式涮涮鍋，價錢分四個等級，由美國進口牛肉到日本A4和牛都有得食，A4和牛套餐除咗任食高質嘅日本和牛，仲有海鮮如蠔、蝦、帶子同埋炸物如蝦餅、甜蕃薯仔、雞翼同炸雞蛋等都係任食，大胃王一定可以回本。
雞煲專門店 隨變燒烤麻辣雞煲
圖：位於銅鑼灣大廈23樓嘅雞煲火鍋專門店，啱晒食飯時鍾意食埋個景嘅朋友。主打雞煲，淨係招牌煲類都已經好多選擇，如愛辣人士必食嘅麻辣雞煲同香辣雞煲，夠晒開胃嘅酸燙豬肚雞煲同養顏嘅花膠雞煲等等，款款都真材實料！淨食雞煲當然唔夠喉啦，可以單點多款配料繼續烚吓烚吓。
台式火鍋專門店 8鍋臭臭鍋
圖：Rudolfkk
來自台灣嘅台式火鍋專門店，主打一人一鍋，大部分食材均由台灣入口。湯底有八款常設口味，必試招牌臭臭鍋，加入台式臭豆腐，配料就有台灣貢丸、白豚肉、米血糕、豬紅等等，平時鍾意食臭豆腐嘅朋友唔可以錯過，另外仲有芝士牛奶鍋同臺式麻辣鍋等，前者芝士同奶香都好突出，後者就香辣惹味，總有一款啱口味。
牛魔王必食 616牛肉火鍋專門店
圖：相信大家都對呢間牛肉火鍋專門店唔陌生，喺全港有多間分店，主打各款刁鑽部位牛肉，出面好少機會有得食㗎～最推介包括安格斯橫隔肌、澳洲和牛內裙肉、美國天然肩胛翼板、牛朴肉同牛駝峰等，好似牛朴肉咁，係牛頸上運動最頻繁嘅肉，脂肪多得嚟又好平均，一入口牛脂味好濃厚。湯底方面牛骨清湯同沙嗲湯都係唔錯嘅選擇，清湯更突顯牛味，沙嗲湯唔使問都知夾啦～
提提你，用OpenRice Pay堂食結賬時，都可以使用以AlipayHK或 Tap & Go Mastercard卡領取嘅消費券，更可與上述優惠同時使用，實行折上折！
即睇更多折扣詳情：(按此)
