由日本落戶香港嘅人氣抹茶雪糕店，今日喺金鐘又開多間分舖喇，以外賣抹茶輕食為主，當中仲有啲全新產品添，抹茶控，留咗quota未先？

首先梗係要講下雪糕。抹茶同焙茶味就走唔甩啦，新店仲會連雪糕個窩夫筒都係抹茶或者焙茶味呀！！！由頭到尾由內到外都係茶喇！想兩溝都得。

Quota再多啲嘅朋友仔，加錢就可以加埋自選toppings：白玉丸子、紅豆蓉、脆脆玄米、茶啫喱、特濃朱古力等等，甚至可以灑上即磨抹茶粉或者焙茶粉添呀，夠晒開心！

甜品輕食方面，抹茶啫喱配白玉丸子，仲有埋銀座分店限定嘅抹茶蓉，完全就係被抹茶包圍嘅感覺。而宇治本店新出嘅玉露啫喱，用玉露茶製作，幼滑茶香，新店都會同步發售呀，唔使再tag #又係日本喇，配埋紅豆蓉同白玉丸子，甘澀中帶微甜。

茶香飯糰套餐

每餐必須有飯到肚嘅朋友，都唔使擔心，有新出嘅茶香飯糰：梅子昆布碾茶同藤吉煎茶山椒魚乾兩種口味，單個買又得，連埋杯茶，加迷你抹茶啫喱或者本田麵豉湯一set咁買又得。

即啪即沖本田麵豉湯/油豆腐

其他抹茶產品

中村藤吉
地址：金鐘金鐘道88號太古廣場1樓110號舖

文、相：Kar