返工太忙想去釋放一吓壓力？中環蘇豪區最近新開一家小酒館，除咗全天候供應葡萄酒、啤酒同雞尾酒，亦集合世界各地的Comfort Food，連裝潢以至餐碟都別具心思，希望令食客有如置身家中一樣咁放鬆。大廚有多年於世界各地當廚嘅經驗，所以好善於利用本地食材去製作出不一樣的風味。

自家製 XO 醬炸雞翼，炸雞翼可以話係港人至愛嘅食物之一。呢度嘅炸雞翼經過三次烹調，外皮口感特別香脆多肉汁，加入自家製XO 醬，味道微辣，有種港式避風塘的感覺。

燒章魚配上西班牙羅曼斯可醬，選用章魚腳，大大隻但口感仍然軟腍，西班牙羅曼斯可醬惹味但唔會蓋過章魚味道。另外鍾意食海鮮嘅朋友可以試埋King Prawns，蝦肉爽口彈牙，配上西班牙香腸及曼徹格芝士更滿足。

BURRATA CHEESE，芝士控不可以錯過呢個布拉塔芝士波波，芝味好濃！配埋醬汁食又無咁膩。

媽媽成日都話唔可以空腹飲酒，所以呢道POTATO CRISPS & JAMON最啱送酒食啦。

想嚐一點甜，熱情果椰子果凍芝士蛋糕外型夠晒吸睛，外皮鋪上一片片蛋糕卷，中間係熱情果芝士及椰子果凍，整體味道清新。

另外餐廳同本地生產商合作並於餐廳內設有零售區域，食客可以直接購買廚房所用食材、本地新 鮮蔬菜、本土品牌貨物以及 Meraki 自家製產品。仲可以用相宜價格選購葡萄酒，甚至連秘製意粉醬汁都有。

Mamma Always Said  

地址: 中環卑利街42號地舖

文: Yanica

相、片: Tom Li