Sanrio粉絲今個聖誕最開心，因為周圍都有好多Sanrio嘅嘢食呀，其中有個品牌仲推出士多啤梨祭添呀。

啲士多啤梨由日本直送嘅，聖誕版士多啤梨瑞士卷有3款卡通，蛋黃哥、My Melody同Little Twin Stars著晒聖誕裝，件裝好、原條好，都一樣有原粒士多啤梨喺中間，一切落去嗰下仲會爆cream添~

而呢幾個木盒，揀返自己鍾意嘅卡通啦。入面裝嘅全部都一樣，係近年好興嘅北海道雙重芝士蛋糕，加咗士多啤梨果蓉嘅，酸酸甜甜感覺唔太膩。

呢幾個樽你哋見慣見熟啦，啲乳酪脆脆朱古力由英國入口，都係士多啤梨味，食完個樽仲可以循環再用添。

另一款朱古力，係原粒士多啤梨抹茶朱古力呀，咬開係有粒果乾嘅，但抹茶朱古力層略嫌厚咗少少，甜咗少少。

至於呢幾個罐就係爆谷嚟，我聽到啲粉絲嘅OS：個罐咁靚，為咗個罐而買都唔係好過份啫，可？

Last but not least，三間分店分別會推出三種雪糕呀，去邊間入貨就睇你想要食咩口味喇，屯門店係豆腐味，馬鞍山店係特濃士多啤梨味，至於即將新開嘅荷里活店就有Cremia系列添呀！

山下菓子新店地址：鑽石山荷里活廣場一樓142 號舖
預訂網站：https://kingsleycafe.com

文、相：Kar