香港有唔少日本料理，但呢一間新開沙田嘅北海道居酒屋，係香港首間獲北海道政府認可嘅餐廳，全亞洲只係得4間！8成食材由北海道直送，打開餐牌大部份係當地常見嘅地道鄉土菜式，好似三文魚鍋、鹽湯拉麵等，食咗當自己去咗！
餐廳總廚蔡師傅稱，北海道最出名就係各類海鮮，款式種類多而且大隻肥美，烹調方法簡單為主，突出原來鮮味。而家秋冬以貝類最當造，包括厚岸生蠔、帆立貝、赤貝及北寄貝等，全部都係活生生，即開即食，配埋北海道昆布製成的豉油，相當鮮甜！
燒喜之次魚亦值得吃，大約300至400克，放在日本入口的高溫烤爐上烤熟，燒至皮脆肉嫩，肉質鮮甜富油香。每條只賣＄198，算抵食！
餐廳另一主打有蕎麥麵，採用全日本產量最多、品質最高之幌加內町出產嘅蕎麥，每日朝早自家製蕎麥麵，100％蕎麥製成，麥味重而且相當彈牙，有驚喜！
冷蕎麥麵 ＄58全港唯一鹽湯拉麵，係參照當地一間拉麵店信月製法，雞湯底配上大量生薑，清甜帶薑香及微微辛辣。配自家製燒、煙燻溏心蛋及北海道粗曲麵條，比起常見的豚骨湯或味噌湯更有特色。
信月新薑鹽湯拉麵 ＄72其他著名鄉土料理包括北海道石狩鍋，三文魚配豆乳湯底及北海道蔬菜，香滑富豆香。北海道暖薯沙律用上男爵薯仔，質感粉糯，原個薯仔切碎再撈勻洋葱、雞蛋，可以加埋三文魚子，更有鮮味。玉子燒更用上北海道3.6牛乳製作，地道食法用牛油塗上蛋面，再配芝士同吃，質感香滑。肉類唔可以入北海道貨，改用佐賀和牛，牛味濃兼柔軟。
三文魚北海道牛乳味噌鍋 ＄118
北海道牛奶玉子卷 $68
北海道暖薯沙律 ＄42 （配三文魚子＄25）
炙燒日本和牛片配柑橘汁 ＄133餐廳不時有時令海鮮，好似蟹、海膽、貝類及各式少見魚類，難得價錢貼地親民，鍾意北海道美食嘅朋友要試！
文、相、片：Perrins