最近大家都少咗出街食飯，好多餐廳生意都大受影響，其中北角一間小店早兩個月起，已經蝕咗6位數字，但係佢哋依然咬緊牙關，唔單止繼續營業，仲推出待用餐券，為有需要嘅人士提供免費膳食。
圖：餐廳Facebook
喺呢個艱難嘅時刻，餐廳決定推出待用餐券，而且仲係唔使大家購買嘅，而係根據每日嘅食客人數，喺翌日就提供返相應數量嘅免費午餐。即係例如今日有10位客人，聽日就會有10份免費午餐。每日3-5點，有需要嘅朋友就可以去領取。
餐廳喺Facebook表示，「我們只是在香港百萬之一的小小店，但星星之火可以燎原，我們會盡最大的努力向前走，直至走到最後的一刻。」
圖：
店如其名，食在當下，也活在當下。當下仍有餘力，就繼續幫助社區上其他弱小嘅社群。
當下
地址：北角和富道126號地舖