出街食飯點先最抵？即刻跟實每月至抵優惠 Book 枱食飯、用抵食餐飲券堂食／外賣自取，就可以擸盡著數啦！
有咩正過買外賣唔使等！就係唔使等之餘仲要有折呀，今期優惠餐廳包括健康乳酪茶飲、蛋料理專門店、台式餐廳、泰國菜及漢堡店，抵過堂食呀！
More Yogurt（全線分店） 指定食品8折
人氣乳酪飲品店，選用內蒙古草原牧場乳酪，堅持還原食材自然味道，健康又好飲！推介招牌巴旦木牛油果乳酪奶昔，用成隻新鮮牛油果打出嚟，飲落好幼滑，充滿牛油果香帶少少甜味，面層仲有粒粒牛油果，好足料！另外海紅山楂乳酪奶昔同黑加侖葡萄乾乳酪奶昔都推介，酸酸甜甜好清新。
蛋爺（鰂魚涌）指定食品8折
一間主打蛋包飯嘅蛋料理專門店，主打就係唔同配料嘅蛋包飯，佢哋嘅蛋香氣好濃而且好滑，包裹住日本珍珠米食真係一流！推介鹽燒牛舌蛋包飯，厚切嘅牛舌燒得焦香，咬落去柔軟卻帶點韌勁，非常有口感，簡單灑啲鹽調味已經好好味。咖喱炸雞就香脆惹味，香辣炒肉碎蛋包飯又幾有新意，帶少少泰式風味。唔想食飯嘅餐廳亦有供應番茄湯烏冬同日式小食添～
仙跡岩（全線分店） 指定食品8折
經典台式連鎖餐廳，主要供應招牌牛肉麵、台式飯類、台式粉麵、厚片吐司及脆脆豬及台式茶飲等。佢哋嘅一人便當餐跟指定飲品幾啱lunch食，亦可以於滷蛋、滷肉及雞翼中自由配搭兩款配飯，款款都好入味撈飯食一流。
Grill ขนทอง（銅鑼灣） 指定食品8折
主打泰式串燒、海南雞同咖喱嘅人氣泰國菜～去骨海南雞飯配雜菜肉質嫩滑，有雞味而且啖啖肉，配埋甜豉油同酸辣醬就更有層次。泰式青咖哩牛腩飯嘅牛腩肥瘦適中，炆得好軟腍，青咖哩微微的辣幾惹味。另外仲有串燒都推介，燒得好香性價比又高。
Mirror Burger（北角） 全單8折
口碑幾好嘅高質漢堡店，今次做緊全單8折優惠呀～呢間餐廳就主打均衡概念，招牌鏡漢堡有齊牛肉漢堡扒同者自家製素漢堡扒，素漢堡咬落有時仲有原粒紅腰豆嘅口感，就算冇肉都好好食！另外仲有吉列大啡菇漢堡、煙三文魚牛油果煎蛋漢堡等健康選擇；鍾意惹味嘅當然有得揀返經典芝士牛肉漢堡、墨辣芝士牛肉漢堡及牛油果軟殼蟹漢堡等，牛肉漢堡好juicy！
2024年7月18日或之前於「抵過堂食價」指定餐廳落單實付金額滿$50，仲可以用埋優惠碼「TAS10」，額外減$10!
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？按此立即落單
TAS10: https://www.openrice.com/info/takeaway/tc-TAS10.html
6月嘅外賣自取繼續有半價優惠，一齊睇吓邊間啱心水！
Transformers The ARK（銅鑼灣、將軍澳）指定食品半價
推廣期限：2024年5月14日至6月13日
香港首創嘅變形金剛主題餐廳，食物主要以變形金剛造型為主，如漢堡、炸雞及薯條等，啱晒相機食先！推介勁脆雞堡及海苔鱈魚，前者嘅炸雞香脆多肉汁，後者魚肉嫩滑帶淡淡海苔香～亦有供應雞肉披薩，真材實料。另外仲有海鹽薯條、勁脆無敵雞、勁脆爆炸雞粒及能量海鹽雪糕都係招牌菜式，變形金剛fans不可錯過。
嘉寶漢堡（尖沙咀）指定食品半價
推廣期限：2024年6月3日至6月7日
提到本地人氣漢堡包店，呢間一定榜上有名，佢嘅漢堡口味選擇多，有傳統款式，亦有創意配搭，價錢合理，最重要係即製夠新鮮熱辣辣。好似受大家歡迎嘅芝士牛堡套餐，牛堡配上烤洋蔥、半融嘅芝士、新鮮生菜等，鹹香得嚟帶點清新感覺，無論配粗薯條、薯餅或港式炸燒賣等香口小食，都係令人滿足嘅comfort food。
賞島咖啡屋（太子）指定食品半價
推廣期限：2024年5月14日至6月13日
一間好精緻嘅咖啡店，以西式美食如扒類及意粉為主，亦會加入fusion元素～慢煮西班牙豬鞍肉質結實爽口彈牙，點埋芥末蜜糖汁令味道更有層次亦無咁易膩，套餐配埋自家製薯蓉、咖啡菇及沙律菜；蒜香牛油青口香噴噴，一入口充滿蒜香及牛油香。另外咖啡燒汁烤豬仔髀、青醬帶子螺絲粉及海膽味噌蟹肉意大利麵都好有創意。
Greyhound Café / Greyhound Café Galleria（全線分店）指定食品半價
推廣期限：2024年5月14日至6月13日
連鎖新派泰國菜，大廚以傳統烹調方法創新地融合不同食材。招牌鮮蝦炒金邊粉炒得好香鑊氣，配料好豐富每食一啖都夾住唔同配菜，有口感之餘材料仲非常新鮮，蝦肉新鮮彈牙，撈埋側邊嘅花生碎同辣椒食好香口。招牌脆炸單骨雞翼係必叫小食，雞翼先醃過非常入味，外皮香脆肉都好滑。
三才魚蛋粉麵（銅鑼灣）指定食品半價
推廣期限：2024年6月3日至6月7日
呢間傳統粉麵店自設工場製作各款丸類、餃子及雲吞等。特別推介手打魚蛋，魚味都幾突出，口感爽滑彈牙唔會食到成口粉。鮮蝦雲吞大大粒，皮薄餡靚又足料，另外魚片頭、炸魚蛋、墨魚蝦條、菠菜餃都值得一試。每碗麵都會有蔥、炸蒜同冬菜增加風味，加埋自家製辣椒油仲正呀。
2024年6月13日或之前於「半價歎住食」指定餐廳落單實付金額滿$50，仲可以用埋優惠碼「CHILL」，額外減$10!
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？按此立即落單
「CHILL」：https://www.openrice.com/info/takeaway/tc-CHILL.html
美食有咁多款，想試多啲梗係要精打細算用盡優惠啦，用餐飲券買現金券都有優惠㗎。
快樂小羊火鍋餐廳（旺角/銅鑼灣） $150 現金劵 34折
以正宗蒙古涮羊肉為招牌菜嘅火鍋店，特色麻辣湯同藥膳湯以老雞、牛棒骨、枸杞、紅棗等36種配料熬製6小時，味道香醇，配蒙古直送到港走地羊都好夾。羊肉提供多款選擇，如草原大片羊、包克圖牛羊涮、黑松露羊肉丸等，啱晒羊肉控呀～
34折餐飲券：（按此）
一方燒肉（大角咀）$100現金券 5折
圖：挑戰者2號
呢間日式燒肉店主打高質鹿兒島黑毛和牛，好似午市套餐一份就有3至4款部位，其中油香十足嘅和牛大判燒就最滋味。另外亦有多款單點肉類、海陸空拼盤等，照顧唔同口味嘅食客。如果想有feel啲，仲有榻榻米座位可以揀。
5折餐飲券：（按此）
更多餐飲券優惠：（按此）
