出街食飯點先最抵？即刻跟實每月至抵優惠 Book 枱食飯、用抵食餐飲券堂食／外賣自取，就可以擸盡著數啦！
又到外賣自取狂歡慶典，今期有地道台灣菜、健康好味嘅 Poke bowl、人氣私房甜品、港式西餐及懷舊新加坡菜。
九份飽（北角、九龍灣、屯門） 指定食品76折
人氣台灣餐廳，無論裝修定食物都好有台灣夜市風味～必試懷舊魯肉飯，份量可選大份或小份，魯肉肥瘦均勻，炆煮過後香嫩可口，入口有微微溶化嘅感覺，醬汁甜甜地，撈埋有咬口嘅珍珠米食真係一流。另外仲有香酥排骨飯、紅燒牛根腩麵等都係人氣之選。如果想食埋甜品就要試吓佢哋嘅芋圓啦，包括三色芋圓芋頭、蕃薯及紫薯以及珍珠、豆花同仙草，糖水清甜唔膩，好啱做飯後甜品。
POKE LOVE（西環、上環） 指定食品76折
近年好流行健康又好味嘅Poke Bowl！呢間喺上環同西環都有分店，食物選擇多，客人可以選擇店家推薦嘅配撘或者由 Base 開始自選。推介 LOMI LOMI Rice Bowl，材料有醬漬三文魚、煙三文魚、青瓜、聖女茄、芫荽紅洋蔥同雜錦果仁，最特別係加咗菠蘿，醬汁都係選用柚子醬油，酸甜開胃唔會膩。Supreme Chicken 呢個就啱晒補充蛋白質嘅朋友，材料有雞肉切粒、紅蔥頭、香菜、鷹嘴豆、炒蒜、芝麻及太陽蛋，低脂之選。
甜姨姨／甜姨姨私房甜品（鑽石山、銅鑼灣、天后） 指定食品76折
甜品控注意啦，呢間人氣甜品店都有優惠呀～榴槤控必食嘅榴槤豆腐花，選用泰國金枕頭榴槤，香氣濃厚，食落好 Creamy，連埋滑溜嘅豆腐花一齊食好夾呀。另一款招牌芒果大合奏，包捨菲律賓呂宋芒、芒果乾、芒果布丁及芒果雪糕，香甜又清爽。仲有煙韌控最愛嘅自家仙草手工芋圓同草莓乳酪涼粉都值得一試呀～
紅星餐廳（北角）／The Starred（筲箕灣） 指定食品76折
主打港式西餐，好抵食之餘食物質素都唔錯，推介畀喺北角同筲箕灣附近返工嘅朋友仔。推介焗意式去皮雞髀肉丸燴茄蓉醬配雙重芝士配飯或意粉，雞髀肉丸 Juicy，配埋香濃嘅番茄蓉及芝士好夾。另有香煎魚柳配山葵芥末籽蜜糖忌廉汁，魚柳兩邊煎到香一香，配埋醬汁味道層次就更豐富啦。至於鍾意食肉嘅朋友可以試吓 BBQ 醬燒豬梅扒添～
JOM（灣仔） 指定食品76折
主要供應懷舊新加坡菜，菜式都用上自家製作多款特色醬料，好有誠意。炸雞椰漿飯嘅炸雞脾表皮炸得好脆，而且好薄身唔覺肥膩，椰漿飯椰香好突出，加埋太陽蛋嘅蛋汁撈埋食一流。另外蝦醬炸雞都好推介，一入口先感受到蝦醬嘅香氣，味道適中唔會太鹹，充滿肉汁。另外囉惹醬蔬果沙律、辣椒蟹饅頭及蝦米糯米卷等小食都好有特色呀。
買開外賣嘅可用呢個外賣自取狂歡慶典優惠，逢星期二及四輸入優惠碼「EAT24」，消費滿$100，額外減$24。其他日子則可以使用優惠碼「EAT10」，消費滿$50，額外減$10。
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？(按此立即落單)
EAT10: https://www.openrice.com/info/takeaway/tc-EAT10.html
EAT24: https://www.openrice.com/info/takeaway/tc-EAT24.html
繼續同大家睇睇外賣自取狂歡慶典，今期優惠餐廳有人氣泰國菜、本地茶記、地道越南菜、台式三文治及捲餅專門店及特色冒菜，即刻睇吓邊間啱食！
泰COOL （將軍澳） 指定食品減$24
一間性價比好高嘅泰國菜，菜式味道正宗，份量大而且質素唔錯～推介佢地嘅海南雞飯，雞肉嫩滑又啖啖肉，皮嘅部份唔會肥膩，點埋附加嘅醬汁就更惹味，油飯粒粒分明好香好濃厚呀。另外仲有咖喱巨型農夫包，可選軟殼蟹、青口及牛腩，咖喱香濃又唔太辣，麵包點咖喱食真係無得輸。
味力冰室 （鰂魚涌） 指定食品減$24
鰂魚涌人氣飯堂之一，用 OpenRice 叫定外賣就唔使排隊啦～香蔥滑蛋叉燒飯係必叫之選，叉燒雖然係瘦叉但肉質都好軟腍，滑蛋熟成程度啱啱好，滿滿嫩滑嘅蛋包裹住白飯，配埋香蔥同埋甜鼓油，送飯一流，而家仲要 $34 就食到啦～另外仲有厚切餐肉煎三蛋飯，同秘制沙嗲牛肉伴滑蛋飯都好吸引！
越南語角 （鰂魚涌） 指定食品減$24
平民價正宗越南菜，主要供應越式粉麵、米紙捲、沙律、地道小食及法包等，推介順化番茄蟹肉扎肉湯檬，湯底番茄味都幾突出，加埋鮮甜嘅蟹肉清新又好味。另外都幾推薦佢哋嘅越南法包，熱辣辣外層香脆而且非常足料，餡料有豬扒、燒雞肉、燒牛肉同燒豬頸肉等選擇。
犀牛犀牛 （銅鑼灣） 指定食品減$24
主打台式捲餅、小食及飲品嘅小店。招牌捲餅有好多選擇，如鮪魚吃玉米捲餅、韓式醬燒牛五花捲餅、招牌肉蛋捲餅及薯泥燒肉起司捲餅等，款款都好多餡料，而且即叫即製拎上手仲熱辣辣。另有多款厚切吐司、炸物及芋圓等，鍾意台式食物嘅朋友一定要試～
烏蠅館 （紅磡、將軍澳） 指定食品減$24
主打川式粉麵及烤魚嘅川菜館，供應四川成都特色菜之一冒菜，冒菜湯底以牛油、芥花籽油同三種辣椒熬煮而成，同麻辣燙相近但油份較少，咁相對就健康啲啦。配料方面都有好多選擇，如四川臘腸、風琴豆腐串及腩肉等，再自選主食及湯底。而且一碗有 6 款配料嘅冒菜只係 $27 就食到啦！
買開外賣嘅可用呢個外賣自取狂歡慶典優惠，逢星期二及四輸入優惠碼「EAT24」，消費滿$100，額外減$24。其他日子則可以使用優惠碼「EAT10」，消費滿$50，額外減$10。
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？(按此立即落單)
EAT10: https://www.openrice.com/info/takeaway/tc-EAT10.html
EAT24: https://www.openrice.com/info/takeaway/tc-EAT24.html
聚餐精打細算啲，分分鐘可以試多幾間餐廳，今期精選推介有4折起嘅大閘蟹套餐、西日Fusion鐵板燒等，啱你口味就咪錯過喇～
戀上台式料理（將軍澳）大閘蟹配暖胃薑母茶套餐 4折
圖：餐廳（FB）
而家重係嘆大閘蟹嘅時間，各位蟹迷未食夠嘅話，不妨試下呢間台式酒吧餐廳嘅「戀上大閘蟹配暖胃薑母茶一人份套餐」，套餐包括江蘇大閘蟹3隻，以及自選配一壺陳年花雕或薑母茶暖胃。店內設有特色花牆等打卡背景，想chill啲亦可以坐戶外座位𠻹。
4折餐飲券：（按此）
御鐵（銅鑼灣） 日式西餐鐵板燒一人餐 61折起
圖：環境高級優雅嘅西日Fusion鐵板燒餐廳主打席前料理，主廚更以時令水果秘製醬汁提升食材風味，好啱嚟約會或慶祝重要日子。而家用OpenRice餐飲券，唔同套餐、現金券都有折扣優惠，其中包括和牛薄燒、海膽炒飯嘅鐵板燒一人餐就有61折。
61折起餐飲券：（按此）
磯野水產（銅鑼灣） 海鮮盛宴二人餐、現金券 71折起
圖：鍾意嘆磯燒海鮮嘅朋友仔，呢間人氣居酒屋嘅海鮮盛宴二人餐有71折呀～10道菜包括蟹肉蟹膏豆腐、原隻活龍蝦二食、自選兩款活海鮮等鮮味料理，所選用嘅日本海產主要由九州、北海道新鮮空運到港，以還原當地風味。如果想單點心水菜式，可以用優惠價買現金券。
71折起餐飲券：（按此）
帝樂 - 德國餐廳（赤柱） 脆皮燒豬肘2人套餐配任食沙律吧 75折
圖：旅客必到嘅赤柱平日少人啲，啱晒平日放假嘅朋友入去chill下～呢間位於美利樓嘅德國菜餐廳坐擁廣闊海景，一邊嘆午市招牌脆皮燒豬肘，一邊吹海風，夠晒relax；套餐重包埋任食沙律吧，提供各種蔬菜以解油膩感。
75折餐飲券：（按此）
更多餐飲券優惠：（按此）
預早訂座可以慳返等位嘅時間外，仲可以有額外訂座優惠！今個月為大家精選幾間激抵優惠，有5折起嘅烤魚、自助餐、越南菜等，睇啱，撳個掣就可以訂座喇～
望月軒（上環）巴蜀烤魚 5折 
天氣轉涼，食香辣嘅烤魚暖身就最好不過～呢間海景中菜廳嘅烤魚，選用約2斤重嘅清江魚，啖啖肉又鮮味；提供嘅巴蜀香辣、老壇酸菜2款口味可自選辣度，而老壇酸菜魚更可選擇走辣，貼心咁照顧唔同口味嘅朋友。
5折訂座優惠：（按此）
酩町（尖沙咀）指定食品 5折起
圖：晚餐、宵夜時段單點食品5折起（刺身、海鮮除外）～呢間主打炭火串燒嘅日式餐廳，以唔同部位嘅雞肉串燒作招徠，包括提燈、雞尾等，加埋和牛壽喜燒等較濃味嘅菜式，最啱同三五知己邊飲邊食～
5折起訂座優惠：（按此）
MoMo Café（沙田、西環）自助午/晚餐 6折
圖：餐廳（FB）
一個酒店自助餐品牌，喺沙田店嘅「醉芝莓味饗自助午/晚餐」，以及西環店嘅「檳城美饌•生蠔海鮮自助晚餐」都有6折優惠～「醉芝莓味饗」以酒入饌，供應辣酒煮東風螺、花雕薑蔥焗醉蝦、香煎羊架配雜莓紅酒汁等風味料理；而「檳城美饌主題」則提供即開生蠔、蠔煎、羊肉樂樂串等鮮香惹味款式，有選擇困難都唔怕。
6折訂座優惠：（按此）
Capri Bar and Grill（北角）單點食品、午餐 6折起
圖：chiuwing123456789、Smallsillypig
北角新開嘅西餐廳，以鮮明嘅藍色同黃色做主調，並以多幅抽象風掛畫作裝飾，打造時尚中帶點民族色彩嘅用餐環境。菜式方面提供多元化口味，如墨西哥菜「鎮店鐵板烤肉卷餅」，設有牛肉、雞肉、蔬菜3款口味；另外美式香烤豬肋骨、意式薄餅等亦有供應，大人小朋友都啱食～
6折起訂座優惠：（按此）
Lúa（銅鑼灣）晚市指定時段 6折
圖：IG-able嘅越南菜打卡餐廳，掛上大量充滿民族色彩嘅燈飾，而95%食材更由越南空運到港，以還原當地風情。食物除咗主打嘅越式粉麵，牛油果慕絲芭菲、五色燒仙草配自家製椰子雪糕等甜品都值得一試。而家經OpenRice訂座8:30pm後嘅時段，達到最低消費即享6折。
6折訂座優惠：（按此）
更多網上訂座優惠餐廳：（按此）
