就快收到新一期消費券，梗係用埋優惠，慳多啲食多幾餐～即刻跟實每月至抵優惠book枱食飯或外賣自取，擸盡著數啦！
繼續到下半個月嘅$28齊齊食優惠，今次有日式燒肉丼飯店、餃子專門店、無味精養生雞肉麵食及港式茶餐廳，一於買返屋企食慢慢嘆！
牛角次男坊(九龍灣) 指定食品低至42折
$28就食到一個日本燒肉丼飯會唔會太抵！呢間人氣燒肉嘅副線丼飯專門店相信大家都唔陌生，招牌牛角燒牛肉丼選用美國草飼牛腹腩，首先好重燒烤嘅香氣，肥瘦適中，配埋香甜惹味嘅醬汁，配飯食真係一流～暴雪蔥鹽豚肉丼都推介，豚肉油脂香突出，用最簡單嘅蔥鹽調味就最可以突顯肉味，而且份量夠晒大呀。
三一餃子(全線分店) 指定食品低至72折 (中環)/指定食品低至59折 (旺角)
於中環同旺角都有分店嘅餃子專門店，主打唔同口味嘅創意餃子同小食，有水餃同煎餃供應，款款都好足料㗎。如粟米豬肉餃，一入口充滿肉汁，加咗粒粒粟米就更加香甜同增添口感。另外仲有韭菜蝦皮豬肉餃、大阪餃子燒、黑白松露豬肉餃都好有特色。小食方面可以試吓關東煮，湯底清甜，配料如蘿蔔、獅子狗魚蛋、魚片頭同埋水波蛋等都入晒味。
樂湯雞麵館(全線分店) 指定食品低至46折
主打唔同口味嘅無味精養生雞肉麵食，另外都有淨湯及涼拌小食等選擇，幾啱想養生嘅朋友～養生藥膳湯有當歸、淮山、北芪、黨參及圓肉等，真材實料，藥材味都恰到好處。小食推介涼拌海蜇手撕雞及口水醬濃汁牛丸，前者雞肉嫩滑，配埋爽口嘅海蜇好開胃；後者就惹味彈牙。
筷子記(中環) 指定食品78折
平時食車仔麵都係以湯麵為主，呢間以港澳菜式為主打嘅茶餐廳就有車仔撈麵食，配料都好有澳門特色。如馬交魚羹、澳門包心卷、路環香腐角及澳門魚片頭等，另外沙茶醬魷魚、瑞士雞翼同麻辣豬腩肉都值得一試。醬汁如果鍾意濃味啲就揀沙茶醬，鹹鹹香香撈麵一流。
北方餃子源(全線分店) 指定食品8折
屹立灣仔已經十幾年嘅北方餃子店，選擇超過10種，蒸餃又有煎餃又有，外皮有煙韌感而不易爛，真「皮薄餡靚」！如京葱羊肉餃同茴香牛肉餃都好地道，前者入口帶香香嘅羊肉羶味同肉汁，點埋醋食好夾；後者加咗茴香增添層次感。清清地可以試埋西洋菜牛肉餃，想濃味啲麻辣京葱牛肉餃都好啱你～
買開外賣嘅可用呢個$28齊齊食優惠，輸入優惠碼「EAT28」，消費滿$50，額外減$10！
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？(按此立即落單)
$28齊齊食優惠：https://www.openrice.com/info/takeaway/tc-EAT28.html
今時今日，用$28到底可以食到啲咩？唔緊要因為OpenRice外賣自取嘅$28齊齊食優惠返嚟啦～今期有人氣車仔麵店、台灣養生湯麵館、高質漢堡店、川式粉麵店及台灣便當都有指定食品$28優惠，真係好抵食呀。
永年士多(銅鑼灣、尖沙咀) 指定食品61折
呢間車仔麵相信大家都好熟悉，呢間就結合咗車仔麵及冰廳嘅概念店，自選三餸麵只係$28就食到啦！車仔餸如豬大腸、冬菇、豬手同墨魚蝦卷都好推介，不過最正係佢哋嘅經典咖哩醬，香濃惹味，加咗層次更豐富。如果選擇困難症嘅朋友，可以試吓招牌車仔大碗麵，一碗有晒豬腸、魚蛋、蘿蔔、豬紅、豬皮、雞翼、雞翼尖、魷魚、紅腸及時菜，超豐富！
尖沙咀店推廣期限：11/7-14/7, 17/7-19/7
銅鑼灣店推廣期限：11/7-14/7, 17/7-19/7
馬祖台灣養生湯麵館(中環、將軍澳) 指定食品41折/48折
有時想食得健康啲，中環呢間台灣養生湯麵館係唔錯嘅選擇，蟲草花藥膳農場雞米線飲落好甘甜，藥材嘅甘苦味恰到好處，雞肉嫩滑有雞味，蟲草花都畀得好足料呀。另外將軍澳呢間主打台式火鍋嘅一樣有粉麵供應，藥膳麻油雞滿滿麻油香但又唔覺油膩，湯底香之餘帶有淡淡甜味，飲得出真材實料。
中環店推廣期限：27/7, 28/7, 31/7
將軍澳店推廣期限：24/7-26/7
嘉寶漢堡(尖沙咀、旺角) 指定食品半價
如果鍾意食Juicy嘅漢堡，呢間人氣漢堡店嘅蜜糖芥末菠蘿豬堡就啱晒你啦！首先佢嘅包身好軟熟，一入口係滿滿嘅肉汁，豬柳有厚度熟成程度啱啱好。而中間嘅菠蘿有先煎香過，更加香甜多汁，加埋生菜同番茄又令成個漢堡更加清新！另外仲有其他漢堡如黑松露芝士牛堡、BBQ菠蘿雞扒堡及日式芥辣蝦堡都一樣咁出色。
尖沙咀店推廣期限：6/7, 7/7, 10/7
旺角店推廣期限：6/7, 7/7, 10/7
川亭(灣仔、天后) 指定食品68折
鍾意香辣川菜嘅朋友有福了，呢間位於港島區嘅川式小店主打多款唔同粉麵～如重慶酸辣粉酸酸辣辣好開胃，而且酸同辣都恰到好處，唔會好油，薯粉入味而有彈性。四川擔擔麵好惹味，花生醬味都幾突出。重慶麻辣小麵就啱晒鍾意麻香嘅朋友～以上三款都可以自行選擇辣度同麵底，仲有得加唔同嘅配料添！
推廣期限：13/7-26/7
小胖台灣便當(觀塘、尖沙咀) 指定食品45折
主打現地道嘅台灣便當，供應多走古早風味嘅主菜，配上多款時令配菜，健康又好味～幾推介三杯蜜汁烤雞排便當，雞排好嫩滑醃得入味，煎到有少少燶邊，外皮香脆肉汁滿滿，配埋香甜嘅蜜汁豉油送飯一流。仲有唔少台灣小食都值得一試，如夜市炸魷魚、麻辣鴨血及懷念鹽酥雞等等。
推廣期限：11/7-13/7
買開外賣嘅可用呢個$28齊齊食優惠，輸入優惠碼「EAT28」，消費滿$50，額外減$10！
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？(按此立即落單)
$28齊齊食優惠：https://www.openrice.com/info/takeaway/tc-EAT28.html
用盡堂食/外賣自取餐飲券嘅激抵優惠，精打細算得嚟又可以食得好，今期精選推介5折火鍋海鮮拼盤、解辣特飲買一送一，啱你口味就咪錯過呀！
尚鮮海鮮料理 （佐敦）火鍋海鮮拼盤 5折
嚟到主打海鮮嘅餐廳嘆火鍋，當然要點個海鮮拼盤啦！一份預4-6位用嘅海鮮尚盛（銀）包括澳洲龍蝦、大花甲、海蝦、珊瑚蚌同帶子，配各種特色湯底，如蟲草花花膠燉雞湯、泰式冬蔭功海蝦湯等都好夾。而家用餐飲券有5折，海鮮控mark實喇～
5折餐飲券：（按此）
麻辣風雲 （全線分店） 特飲 買一送一
圖：四川菜大部分都香辣惹味，嗌定飲品邊飲邊食就啱喇～呢間餐廳嘅特飲，首推一埕埕上嘅洛神花茶同菊花蜜，好似時光倒流去咗古代咁，打卡充滿特色。鍾意果香嘅朋友則可試試鮮鮮芒椰果玉露、冰爽龍眼冰，解辣又解暑。
更多餐飲券優惠：（按此）
天氣炎熱，預早訂座可以唔使企喺街度等位，而且舒服啲之外，仲可以攞埋額外訂座優惠𠻹！今個月為大家精選幾間激抵優惠，有5折嘅日式串燒、刺身、西餐等，睇啱，撳個掣就可以訂座喇～
一瀧（銅鑼灣） 生蠔、拖羅、海膽 半價 
圖：餐廳以江戶時代為設計主軸，仿古石牆等好啱做打卡背景。由兩位福岡師傅主理嘅日本料理，選用高質時令食材，如來自日本、法國、南非嘅生蠔，日本拖羅、赤身以及日本海膽，呢幾款食材最近做緊訂座半價優惠，如果適逢同壽星嚟慶祝生日，壽星可以免費租用和服（先到先得）、免切餅費同參加抽獎𠻹。
半價訂座優惠：（按此）
千代鶴（銅鑼灣） 主菜餐牌串燒類 買一送一
圖：裝修採用日式木系風格，環境雅致，菜式則糅合日式會席料理同居酒屋元素，供應壽司、串燒等料理。餐廳選用高級食材，如岩手和牛、當季新鮮魚產等，而串燒則供應多款日本雞肉、豚肉串燒，包括雞心、雞肝、五花腩等。如果想試最佳口感，可以問一問師傅意見，好似揀半熟雞心串就會帶流心質感。
買一送一訂座優惠：（按此）
교자상 GYOJASANG （銅鑼灣） 單點餐牌 半價
圖：供應集傳統、創意嘅韓國料理，例如鋪滿白飯魚仔、魷魚同蝦嘅海鮮煎餅，鮮味又脆口；芝士蛋卷呈拉絲效果，鹹香惹味。如果你係肉食控，不妨試試韓牛胸肉，店員會協助烹調，讓你舒舒服服坐低等開餐；牛胸肉肥瘦均勻，而皇帝菜等配菜吸收晒牛肉嘅精華，佐酒一流～
半價訂座優惠：（按此）
Coti the Bistro（九龍灣） Dinner Set 半價
圖：木系裝修、糅合西餐廳同Cafe風格， 環境輕鬆舒適。食物方面主打西式料理，款款足料大份，其中法式燉羊膝、煎慢煮西冷，肉質嫩腍juicy。另外咖啡口味亦富有特色，如咖啡果皮茶配蜜糖、天然蜂巢咖啡、焦糖布甸咖啡等，都係比較少見嘅款式，喺附近睇戲前後嚟用餐都唔錯。
半價訂座優惠：（按此）
YOLO（將軍澳） 所有飲品（包括酒精飲品） 半價
圖：夏日炎炎食泰國菜，點埋特色飲品最好feel～呢間簡約休閒風嘅泰國菜餐廳，菜式同飲品都好精緻，好似芒果椰子塔插入一支芒果雪條，既係飲品，又係甜品，而牛油果控必試牛油果香葉沙冰，透心涼之餘，好啱嘆完泰式燒牛柳、馬沙文咖喱雞等惹味菜式後re-fresh味蕾～
半價訂座優惠：（按此）
更多網上訂座優惠餐廳：（按此）
