出街食飯點先最抵？即刻跟實每月至抵優惠Book枱食飯、用抵食餐飲券堂食同外賣自取，就可以擸盡著數啦！
預早訂座可以慳返等位嘅時間外，仲可以有額外訂座優惠，撳個掣就搞掂。
The Pizza Pig（將軍澳） 午市單點餐牌 正價7折 
圖：一睇店名就知道係主打Pizza嘅餐廳，以石爐烤焗嘅薄餅分為兩個尺寸，可以有30吋長，非常巨型！Pizza有香辣、純素、無麩質等選擇𠻹，細心照顧唔同食客需要。另外炸海鮮拼盤、德國鹹豬手都適合一班人開心share。
7折訂座優惠：（按此）
FUMI（中環） 秋の祭嚐味盛宴 買一送一
如果想有環境，味道有驚喜，可以考慮呢間日式西餐廳，皆因佢以提供獨特嘅多元日本餐飲體驗為宗旨，每季都推出時令盛宴，而秋季有機會試到唔同嘅蟹料理，鍾意嚐鮮嘅朋友咪錯過喇。
買一送一訂座優惠：（按此）
炊公館（尖沙咀）午市點心套餐 / 2人下午茶餐 54折起
圖：自問鍾意食點心嘅朋友仔，呢間中菜館嘅午市點心套餐或2人下午茶套餐都好啱你，仲有高層美景可遠眺維港，環境好relax。午市點心套餐包括麻香青瓜海蜇頭、黑松露小籠包、阿一海景南非鮑魚酥、竹笙如意餃等十款點心；下午茶則先贈送每位蝦多士一隻，再嘆筍尖鮮蝦餃、黑魚子豚肉燒賣、鮮蝦炸雲吞等八款鹹甜美點，同媽媽或閨蜜嚟chill吓都咁正。
54折起訂座優惠：（按此）
更多網上訂座優惠餐廳：（按此）
美食有咁多款，想試多啲梗係要精打細算用盡優惠啦，今期餐飲券由晚市套餐到掃街小食都有優惠啊～
海天薈 (荃灣) 長腳蟹套餐 46折
啖啖肉嘅長腳蟹，講起都港口水？一於約朋友齊齊嘆六位用嘅長腳蟹套餐啦～一蟹三味炮製蒜蓉粉絲蒸蟹腳、椒鹽長腳蟹身同花雕蛋白蒸蟹蓋，再有太子海皇羹、豉油王大海蝦，鮮味爆燈。加埋山楂拔絲咕嚕肉、脆皮南乳燒雞、鮮淮山浸時蔬同錦繡楊州炒飯，絕對夠飽呀！
46折餐飲券：（按此）
嘆嘆（黃大仙）嘆嘆豪華台式2人餐 63折
無論係經典嘅招牌牛筋牛肉麵、家鄉鹹肉炒新竹米粉，或者加入蟹黃、蟹肉同蟹籽嘅蟹皇三鮮麻辣拌麵，呢個2人套餐都可以畀你自己組合；如果想款式多啲，有更濃厚嘅台灣風味，鐵路便當盒更加係不二之選，一份就有齊古祖鹵水豬扒、招牌肉燥飯、肉丸湯、滷水蛋、豆腐、甜不辣同台式醃菜。加埋香口小食、甜品同飲品，都咪話唔豐富～
63折餐飲券：（按此）
章魚達人（紅磡）$50現金券 5折
新開嘅章魚燒專門店，提供十多款口味章魚燒，包括黑松露、蟹籽、明太子等大熱款式。另外仲有「燒章軍」系列，即係火炙款式，其中火炙芝士章魚燒啱晒芝士控，而火炙至尊蝦章軍有蝦肉喺面，夠晒足料～
5折餐飲券：（按此）
更多餐飲券優惠：（按此）
今期外賣自取都好多元化，有泰國菜、越南菜、窯雞、粉麵及台式茶飲，有8折優惠又唔使等，一齊睇吓邊間啱食！
米泰（全線分店） 指定食品8折
位於大圍及九龍灣嘅泰國菜，提供正宗泰國菜及為食客帶來獨特東南亞風味嘅餐廳。菜單涵蓋咗多款泰國經典美食，無論你鍾意辛辣、酸甜定係椰香味嘅菜式，都可以喺度搵到合適嘅選擇。炭燒泰式豬頸肉選用肥瘦適中嘅豬頸肉，經過精心炭燒後，外層微脆而內裡鮮嫩多汁，搭配特製嘅泰式酸辣沾醬令味道更加層次分明。香芒牛油果素菜米紙卷是一道清新健康嘅選擇，使用米紙包裹住新鮮嘅芒果同牛油果，清甜爽口。泰式炸蝦餅則外脆內嫩，蝦肉鮮甜彈牙。
品越越式料理（全線分店） 指定食品8折
港島區嘅越式餐廳，啱晒附近返工嘅上班族，供應多款地道越南菜，主打健康且清新嘅越式美食亦同時保留咗越南料理嘅傳統風味。濱海伴香茅燒豬扒帶有濃郁嘅香茅香氣，肉質鮮嫩且充滿燒烤風味。生醃蝦米紙卷則清爽健康，新鮮嘅生蝦搭配軟糯嘅米紙，加埋新鮮蔬菜入口好清新。酸辣無骨鳳爪酸甜辣三者嘅味道平衡，好開胃～
窯雞王（深水埗） 指定食品7折
來自深圳嘅窯雞專門店，專門提供經典的窯烤雞。餐廳選用優質雞隻，經過特製醬料醃製後放入傳統窯爐中烤製，令雞隻雞皮香脆、雞肉鮮嫩多汁，煙燻嘅香氣更增添咗風味。窯雞王嘅窯烤技術令每隻雞都呈現出外焦內嫩嘅完美口感。另外佢哋嘅窯雞中翅都好受歡迎，同樣外脆內嫩，揀香辣就更惹味，送飯一流。
惹仔麵線（上環） 指定食品8折
提供創意亞洲風味麵食及台式小食嘅餐廳，好有家庭風味，食得出真材實料。霸皇蟹撈麵選用上海麵搭配豐富嘅蟹黃同鮮甜空運沙巴蟹肉，搭配少許醋令整體味道更加鮮明，麵條彈牙有咬口。另一款招牌菜式係惹仔古早喇沙麵，湯底濃郁帶有馬來香氣而全港獨有味道，以店名「惹仔」命名嘅惹仔喇沙，完美呈現馬來西亞傳統風味。海鮮部分新鮮鮮甜，特別係蜆肉無沙且肥美鮮嫩。
喫茶舍（全線分店） 指定食品8折
特色茶飲店，專注於提供高品質嘅手搖飲品。雲沫金萱青茶帶有淡淡清香，上層加入滑順嘅奶蓋，茶香同奶香完美融合。芋頭鮮奶則以濃郁嘅芋泥搭配新鮮牛奶，口感香甜順滑，特別受芋頭愛好者喜愛。另一人氣選擇係黑糖珍珠濃鮮奶，以濃郁嘅黑糖珍珠搭配濃滑嘅鮮奶，甜而不膩，係一款經典茶飲。
莆田（全線分店） 全單8折
主打正宗閩菜、海鮮及中式小菜，餐廳以其地道嘅福建風味料理及新鮮海鮮聞名，菜單豐富多樣，為顧客提供高質量嘅美食體驗。主要供應多款地道美食，如福建特色海蠣煎外脆內嫩，鮮甜海蠣伴隨住香脆嘅煎餅；芋泥香酥鴨係餐廳的招牌菜之一，酥脆嘅鴨皮搭配綿密嘅芋泥，香氣十足。另有褔建海鮮滷麵、興化炒米粉都值得一試。
PizzaExpress（全線分店） 指定食品買一送一
連鎖薄餅專門店，專注於提供地道嘅意大利薄餅同其他經典意式美食，非常適合家庭聚餐同埋朋友聚會。沙律推介意式火腿蘑菇沙律，以新鮮沙律配上意式火腿同蘑菇，味道清爽且具層次感。佢哋嘅薄餅餅底好薄脆同埋配料都新鮮高品質，美國薄餅配料有辣肉腸、馬蘇里拉芝士及番茄醬，酸甜微辣；埃特納薄餅就有意式風乾豬面肉、意式辣肉醬、烤燈籠椒、馬蘇里拉芝士、巴馬臣芝士及番茄醬，超豐富！
The Pont（旺角） 指定食品8折
旺角多元化嘅西式餐廳，以秘密花園為裝修主題，供應嘅料理都好精緻同創新～特色菜包括煎帶子墨汁意大利飯，將意大利飯同墨魚汁完美結合，再配上嫩滑嘅煎帶子，帶來濃郁嘅海洋風味。煙三文魚牛油果牛角窩夫則以煙三文魚同牛油果搭配鬆脆嘅牛角窩夫，口感豐富，鹹香嘅煙三文魚配上香甜牛角窩夫，甜甜鹹鹹最滋味。
槾悠（荃灣） 指定食品8折
園林風泰國菜，菜式融合創意與傳統，顧客享用泰式美食嘅同時體驗到西式餐飲嘅獨特風味。香辣蒜片鮮蝦意大利麵以香辣蒜片搭配鮮蝦，蒜味濃郁帶微辣；馬拉盞牛肉片炒無米飯啱晒唔食澱粉嘅朋友，將馬拉盞嘅香氣同嫩滑牛肉結合，好惹味。青咖喱豬頸肉配薄餅則將東南亞風味同西式薄餅完美融合，豬頸肉鮮嫩多汁，青咖喱好香椰奶味，點薄餅食一流！
初之陸日本料理（觀塘） 指定食品8折
觀塘區親民日本料理店，啱晒附近嘅上班族～推薦菜式包括日式吉列豬扒，外脆內嫩，份量十足；唐揚炸雞飯嘅炸雞同樣嫩滑，肉汁豐富，配上日式醬汁更加惹味。日式叉燒烏冬嘅烏冬麵爽滑煙韌，叉燒軟腍入味湯底濃郁。另有多款小食如燒雞泡魚干、辛辣明太子及炸富山灣寶石蝦等。
2024年10月1日或之前於「八折CHILL抵食」指定餐廳落單實付金額滿$50，仲可以用埋優惠碼「SOLO」，額外減$10!
仲等？按此立即落單
SOLO: https://www.openrice.com/info/takeaway/tc-SOLO.html
