好多人都鍾意任食同放題，於是就出現咗唔少火鍋放題呀、甜品放題呀等等嘅餐廳，最新開喺東涌嘅呢間日式鍋物料理，唔止有涮涮鍋放題，就連壽喜燒都有得放題！
日本黑毛和牛
澳洲M4和牛
美國牛肉
Menu上有多款牛肉選擇，包括澳洲M4和牛、美國牛肉、日本黑毛和牛等，澳洲嘅脂肪平均，油花香甜，日本嘅肉質軟滑。
無論係涮涮鍋定係壽喜燒，都係一人一鍋嘅，限時90分鐘，午巿最平$128就有交易，不過全枱人都要揀同一款嘅肉類。
壽喜燒特選正宗烹調方法，將預熱好傳統淺鐵鍋塗上牛脂，炒香啲洋蔥，加入少量秘製嘅壽喜燒醬汁，少少得㗎喇，然後就可以落牛肉啦~~ 食之前再點埋生雞蛋汁，肉香加埋蛋香，口感更豐富。
至於涮涮鍋，則有4個鍋底選擇，分別係九州豬骨湯、蕃茄湯、龍蝦湯同自家製麻辣湯。
除咗牛肉任食外，另外仲有多款火鍋配料、雪糕、飲品等，全部都係自助任拎！
鍋處
地址：東涌達東路20號東薈城名店倉3樓317號舖
文、相、片：Kar