歐陸印度風情畫 | OpenRice 香港开饭喇

Nirvana 的招牌菜真係特多，除了上集睇到您眼花撩亂的繽紛沙律，仲有好多「歐陸印度式」的小食比您逐幅逐幅慢慢睇！今集就直情一次過Show 哂比您睇啦！\r\n

\r\n這一款為意大利的「羊肉千層麵（$55）」：三層厚厚的餡料內含有免治羊肉、波菜、酸青瓜，再用意大利粉皮將之分隔，面層洒上碎番茄肉及蒜蓉，再塗上忌廉白汁，經烘烤後，外層微焦，口感一流，難怪能成為該店最受歡迎的菜式。此兩味菜式均在午市以Set Lunch 形式，加上是日湯（如南瓜湯）及咖啡或茶來供應。
下午茶時份亦有特色小吃：「羊肉咖喱角（$25）」為吃厭了傳統咖喱角人士而設。若想「頂肚」，可選「羊肉漢堡飽（$25）」。以上小吃均附送咖啡或茶。\r\n

\r\n除了以上特定時份的美食外，大家可試試全日供應的「Panini 意大利包（$26）」，內含煙三文魚、意大利忌廉芝士、洋蔥圈及生菜，再用特定的意大利麵包機烘製10 分鐘，令其外脆內熱，絕對不是一般「飛碟」麵包可以相提並論。\r\n

他們的即磨「Cappuccino（$14 ）」及「特濃咖啡（$12 ）」都做得非常出色。其實若惠顧套，只需加多兩元，便可轉換為此兩種特製咖啡。\r\n

\r\nNirvana 每天都提供四款不同口味的Set Lunch ，而且天天不同，以上環價格卻又可享受到酒店館的水準，你還有藉口不去一試嗎？