鍾意食日本燒肉嘅朋友埋嚟喇，OpenRice有獨家優惠呀！呢間長期人氣爆燈嘅連鎖燒肉店，近日推出冬季二人套餐7折優惠，而最重要係聖誕節、除夕同元旦全日都用到呢個優惠。
歪歪實試
套餐由沙律、前菜、湯品、燒物到甜品樣樣齊
開胃4品
沙律、前菜等大大份，夠2人開心share
玉子豆腐沙律、麻香椰菜、脆脆土豆山同經典洋蔥湯為呢個套餐打開序幕，4道菜口味偏清新，但師傅依然花上心思設計。好似歪歪鍾意嘅脆脆土豆山，味道酸爽，而蟹籽嘅鮮味同滑溜嘅薯蓉好夾，有口感又開胃。
節日燒肉盛合
盛合包括6款肉類
節日燒肉盛合以豬頸肉、極上黑毛和牛肋肉同牛板腱赤身，由上至下砌成聖誕樹造型，節日氣氛出晒嚟；再配日本國產牛壺漬果味肩胛肉、極上黑毛和牛魔方多士同埋黒胡椒蜜糖鮮鴨胸，肉量十足呀！
極上黑毛和牛肋肉
咁多款肉之中，極上黑毛和牛肋肉最富油香、軟嫩多汁，輕輕燒一陣已經食得。而牛板腱赤身就肉味突出啲，相對有咬口。
日本國產牛壺漬果味肩胛肉
肩胛肉雖然有油香，但油膩感相對輕啲，因為用咗壺漬方法加入菠蘿醃製，肉質鬆化之餘充滿果香，歪歪更指出呢個係以前日本人用嚟醃白蘿蔔嘅傳統方法𠻹～
極上黑毛和牛魔方多士
自行加上松露醬調味
極上黑毛和牛魔方多士由燒肉到組裝，都由食客親自動手，讓大家邊玩邊食～魔方放爐邊慢慢燒熟，就可以內外受熱均勻，同時保留肉汁；如果鍾意香脆口感，麵包都可以烘燒一陣，食嘅時候加埋松露醬，入口更加香。
海鮮3品
拼盤集3款人氣食材
鰻魚、八爪魚
塩味北海道帆立貝
套餐照顧埋海鮮控，塩味北海道帆立貝、鰻魚同八爪魚都好新鮮，帆立貝只用鹽提鮮已經好夠味，燒完都唔會縮細好多，啖啖肉啊。另外鰻魚幾厚身，八爪魚則切成大片狀，口感彈牙。再嘆埋燒淮山、菠蘿、牛角飯等，食到捧住個肚走呀～
燒野菜、名物牛角飯
即焗朱古力心太軟配雲呢拿雪糕
聖誕特飲巨峰忌廉梳打
牛角日本燒肉專門店（海運大廈分店）
牛角日本燒肉專門店
以下分店供應：
尖沙咀、紅磡、九龍塘、九龍灣、旺角、深水埗、荃灣、大埔、沙田、將軍澳、元朗、屯門、銅鑼灣、太古、柴灣
主持：歪歪
文：Cathy
相：Michael
片：Yan Yan
