打邊爐梗係任食先過癮，今次OpenRice同牛大人台灣火鍋吃到飽推出獨家限定優惠，只要訂座同時預訂「澳洲極上和牛火鍋套餐」即享買一送一，兼配埋澳洲金牌全血和牛！究竟和牛質素如何，配新湯底夾唔夾？即睇電台主持歪歪到訪試食實測～
歪歪實試
牛大人最新推出兩款辣味湯底
「澳洲極上和牛火鍋套餐」本身可任食多款牛肉，如上腹牛五花、澳洲M5和牛牛肩卷、安格格斯特選牛板腱等，另外鮮甜海蝦、新鮮沙白等海鮮，以及台灣直送食材，如鴨血、紫芋卷、爆濃芝士丸、魷魚羹等都可以無限追加。而家獨家限定買一送一，再每人配澳洲金牌全血和牛一份，歪歪都話幾抵食。
澳洲金牌全血和牛一份約200g
澳洲金牌純血和牛即係全血和牛，由100%全血日本和牛種繁殖，數量稀少 係澳洲和牛中嘅極品，每塊牛肉嘅切面都可以清楚睇到平均分布嘅大理石紋油花，非常柔軟。歪歪指呢款和牛食落油香比肉味突出，但唔會好油膩，咁繼續掃其他任食款式都冇問題啦～
辣控必試新湯底
新湯底之一：三椒酸菜鮮魚鍋配上炸台灣鱸魚魚件
平時去打邊爐，你有冇飲啖湯底嘅習慣呢？歪歪試完兩款辣味湯底表示：「師傅話呢個三椒酸菜鮮魚鍋係微辣，但一入口已經有中辣嘅感覺，不過辣得嚟幾清爽，可以當湯飲，而且用埋台灣食材將酸菜魚變成台式火鍋幾特別。辣度應該嚟自黃燈籠辣椒醬，辣得好香；然後第二樣就試到鮮魚嘅鮮味甜，最後就食到鮮花椒嘅麻味，比起一般用乾花椒嘅麻香更突出，作為湯底嘅餘韻我覺得啱啱好。」
新湯底之一：番茄酸辣鍋加入自家製酸白菜
另一款新湯底番茄酸辣鍋，特別設有3個辣度畀大家揀，但要比較，歪歪都係試微辣：「呢個比三椒酸菜鮮魚鍋辣好多呀！呢個湯底除咗有辣味，番茄味都好突出，可以令呢個湯底除咗辣之餘，都有蔬菜嘅清新感解一解辣。」
「澳洲極上和牛火鍋套餐」附送彈牙嘅澳洲M9和牛牛丸
任食推介
海鮮任食
任食海鮮之中，有海蝦、沙白等選擇，但以厚切台灣鯛魚片比較特別，魚肉結實唔容易散開，歪歪都表示有驚喜呀～
台式小食鹹香惹味
台式小食方面，用松露同花枝漿製作嘅黑松露腐皮卷可以直接食用，或放入湯中輕輕煮熱，兩個食法都依然彈牙有咬口。鍾意地道風味嘅話，士林鹽酥雞、真豬小香腸等就啱晒你喇。
全線獨家快閃買一送一＋折上折優惠碼：（按此）
牛大人台灣火鍋吃到飽 (大鴻輝(荃灣)中心) 
地址：荃灣眾安街55號大鴻輝(荃灣)中心16樓
主持：歪歪
文：Cathy
相、片：Yan Yan
