一年一度母親節，除咗食自助大餐或者精緻蛋糕之外，有無諗過約媽咪去食個豐富嘅下午茶嚟慶祝？以下五款適合唔同喜好嘅媽媽，有心水嘅不妨早少少Book定，今年畀媽媽一個甜蜜驚喜！
 

帶鐘意花嘅媽媽　　Häagen-Dazs

根據非正式統計，無論8歲定80歲嘅女士都係鐘意收花嘅，唔想花錢買一扎好快就謝嘅鮮花，不如送個食得落肚嘅花園畀佢！呢間雪糕店就推出「花漾巧意下午茶套餐」，上下兩層嘅玻璃盤上面擺滿8球自選口味雪糕、精美茶點同鮮果，加埋乾冰白煙效果，成個Tea Set就好似個迷你版嘅夢幻花園。

*皇室堡、太古城中心、圓方、東港城及V-City專門店限定
供應日期：2017年4月26日至8月31日
 

帶鐘意浪漫嘅媽媽　　L'Eclair de Genie

法國菜係浪漫嘅代表之一，呢間法式泡芙店就推出「母親節閨蜜下午茶」，裡面有首次推出嘅迷你鹹點泡芙！牛油果煙三文魚、芝士火腿櫻桃茄、青蘋果牛油果吞拿魚同水牛芝士櫻桃茄隨機兩款，搭配經典王牌迷你甜味泡芙，法式傳統小食泡芙波波、費南雪蛋糕、手作曲奇同熱飲，畀你同媽媽享受窩心嘅甜蜜時光。

*太古廣場及圓方專門店限定
供應日期：2017年5月5日至14日
 

帶鐘意泰國菜嘅媽媽　　Amazing

如果你嘅媽媽鐘情東南亞風味，特別係泰國菜或者芒果甜品嘅話，可以考慮油麻地呢間酒店泰國菜館嘅「香芒‧泰‧滋味」下午茶自助餐！一系列泰菜包括芭堤雅香葉蛋網包、豬頸肉牛油果芒果米紙卷、泰式沙爹串燒，加埋芒果甜品包括即製芒果夾同冰花燕窩流心香芒布甸全部任食！另外仲有凍蝴蝶豌豆花茶同奶皇流心西多士，最啱呃Like！

供應日期：2017年5月1日至另行通知為止，逢星期六、日及公眾假期
 

帶注重健康嘅媽媽　　The Restaurant by The Kinnet

嚴格嚟講，上環呢間餐廳提供嘅係早午餐，不過佢地由早上十點供應到下晝六點，最啱自問一到週末就無法早起嘅你啦。餐廳以養生為主題，母親節早午餐餐單亦相當豐富而不失健康，例如前菜之一嘅瑞可達芝士班戟及雜莓、主菜亦有牛油果班尼迪蛋、烤有機雞肉配自選沙律等選擇。最後仲可以去甜品吧自選一款甜品，身心滿足。

*惠顧母親節早午餐可免費獲得永健坊健體中心團體課程一節
供應日期：2017年5月13日至14日
 

帶追求潮流嘅媽媽　　AVA Restaurant Slash Bar

如果你嘅媽媽係時尚潮人嘅話，不如搞搞新意思，帶佢嚟尖沙咀呢間酒店餐廳，嘆返個以人氣眼鏡品牌做主題嘅下午茶啦！「魅力加州耀目下午茶」六款特色鹹點包括近年大熱嘅迷你龍蝦包同清新嘅清涼泡沫Mojito，而甜品就有伯爵茶朱古力慕絲脆筒、士多啤梨慕絲香檳果凍同趣致太陽眼鏡造型嘅香脆曲奇餅等。

*惠顧魅力加州耀目下午茶即可獲贈Santa Monica八折優惠券及時款眼鏡包
供應日期：2017年5月1日至7月31日

文：Cathy