香港人一向在行講飲講食！講到串燒店，無疑，尖沙咀、旺角等地方有多如繁星既串燒店，有一間位於紅磡隱世既港式串燒店，只是名字已經夠響噹噹「浩林七串」! 小店有如平民化既港式fusion日式居酒屋，高質燒物，經濟抵食！紅磡崇潔街日式餐廳、居酒屋林立，能夠係當中屹立不倒，突出自己，必有過人之處。
浩林七串 (紅磡)
蒜蓉原條燒茄子 大廚偷偷同我地講，原條茄子開邊，用面火爐燒，一面燒既同時，一面淋上秘製鰻魚汁，待茄子完全吸收鰻魚汁及精華，再不停重覆以上動作。大廚要兼顧火喉之餘，亦不忘要避免茄子上色過多，導致味道偏鹹，最後加上海量既蒜蓉，惹味到一個點。
林七串主打 是小店招牌名物，有數款新鮮海鮮和肉類，有燒蠔、燒白鱔、燒墨魚腸，亦有燒牛舌、燒牛肉、燒雞翼及燒豆腐，好食到停不了口，滿足嘴饞既你。
自選串燒 餐廳老闆透露，最多人叫既串燒包括有豚肉蒜心卷、豚肉五花腩、免治雞肉棒、肥手金菇卷、雞肉串及栗米，每件燒到惹味香口，一啖一口，真心大滿足！
日式雞肉什錦串燒飯 人氣熱賣之一，雞肉嫩滑juicy，雞皮燒至香脆不油膩，加上大大碗飯，經濟抵食，午市限量供應，想食？唯有早啲去排隊啦！
日式牛肉什錦串燒飯 另一廣受食客歡迎既菜色，燒牛肉鮮嫩口感，肉汁juicy，燒得恰到好處，回味無窮! 溫馨提提你，呢個都是係午市限量供應㗎！
現今香港社會，食飯交通等開支，每樣都百物騰貴，好難令人相信，二百零蚊既價錢可以食到八種新鮮海鮮及六種自選配料。而且仲有三款湯底任揀，務求令人食到舔舔脷，飽到捧著肚皮，確實難得，連湯底都可以玩爆脆，創意度滿分，一定滿足到我哋要求高既香港人！
六十六十火鍋
正宗海南椰子雞湯底連海鮮火鍋套餐 採用正宗文昌海南雞，肉質嫩滑，雞味濃郁，仲要啖啖肉。原個椰子和椰皇同熬，陣陣椰子清香！餐廳老闆係海南人，同時係海南商會會員，所以可以羅致最新鮮同最鮮味的海南雞供應給食客， 我地有口福啦！
蕃茄脆米泡飯湯底連海鮮火鍋套餐 另一健康火鍋之選！打完邊爐，可以加入白飯和脆米，聽到「喳…喳…」聲就食得啦！泡飯煲到軟綿綿，蕃茄濃湯連茄肉，加上脆米，口感過癮，文字都形容唔到，唯有親身食一次先feel到架！
八款自選海鮮之一 絕對係非一般既海鮮拼盤！每日新鮮運到，有即叫即劏大肉蟹，肉蟹連滿瀉蟹膏，睇見都食指大動呀！
八款自選海鮮之二 仲有其他新鮮海產，例如︰厚身彈牙鮑魚、鮮甜蟶子皇、大大隻貴妃蚌、生猛海蝦、流浮山蠔、黃油蜆、沙白、多寶魚、黃立鯧、深海泥鯭等，選擇困難症呀(笑)！
西班牙脢頭肉(自選配料) 精選西班牙優質靚豬，肉質柔嫩，油脂均勻，肉味濃而不羶，口感香甜而不失咬口，記得要試下呀！
正宗海南椰子雞湯底連海鮮火鍋套餐 採用正宗文昌海南雞，肉質嫩滑，雞味濃郁，仲要啖啖肉。原個椰子和椰皇同熬，陣陣椰子清香！餐廳老闆係海南人，同時係海南商會會員，所以可以羅致最新鮮同最鮮味的海南雞供應給食客， 我地有口福啦！
蕃茄脆米泡飯湯底連海鮮火鍋套餐 另一健康火鍋之選！打完邊爐，可以加入白飯和脆米，聽到「喳…喳…」聲就食得啦！泡飯煲到軟綿綿，蕃茄濃湯連茄肉，加上脆米，口感過癮，文字都形容唔到，唯有親身食一次先feel到架！
八款自選海鮮之一 絕對係非一般既海鮮拼盤！每日新鮮運到，有即叫即劏大肉蟹，肉蟹連滿瀉蟹膏，睇見都食指大動呀！
八款自選海鮮之二 仲有其他新鮮海產，例如︰厚身彈牙鮑魚、鮮甜蟶子皇、大大隻貴妃蚌、生猛海蝦、流浮山蠔、黃油蜆、沙白、多寶魚、黃立鯧、深海泥鯭等，選擇困難症呀(笑)！
西班牙脢頭肉(自選配料) 精選西班牙優質靚豬，肉質柔嫩，油脂均勻，肉味濃而不羶，口感香甜而不失咬口，記得要試下呀！