粉紅色帶甜香嘅士多啤梨軟雪糕上面再加原粒甘王士多啤梨，相信唔少女孩子見到已經立刻變成心心眼！呢間日式甜品店新推新年及情人節限定嘅日本士多啤梨系列，有軟雪糕、卷蛋、莓大福等等，等緊大家嚟打卡兼享受日本士多啤梨嘅香甜滋味呀。
士多啤梨白朱古力雪糕（$68）（尖沙咀海港城、旺角朗豪坊、銅鑼灣Fashion Walk店有售）
i CREMERiA 26/1起推出日本士多啤梨系列，最吸引嘅就係呢杯士多啤梨白朱古力雪糕，粉紅色嘅軟雪糕既有日本甘王士多啤梨嘅香味，亦有白朱古力嘅甜味，平衡有致唔會過甜或者過酸。而且面頭嘅原粒甘王士多啤梨酸甜多汁，非常加分！
士多啤梨海綿卷（$68/件）（旺角朗豪坊店獨家發售）
而士多啤梨海綿卷顧名思義，用士多啤梨海綿蛋糕包住輕盈柔滑嘅忌廉同粒粒士多啤梨果肉，忌廉嘅牛奶香同多汁嘅士多啤梨一樣夾，而且賣相夠哂可愛！
士多啤梨海綿卷午後輕食（$158）（旺角朗豪坊店獨家發售）
一件海綿卷唔夠喉，咁就要嚟個豐富嘅Tea Set啦！有齊士多啤梨海綿卷、士多啤梨白朱古力雪糕、原粒日本甘王士多啤梨，同白朱古力碎，配埋自選飲品。
莓大福（$38/件）（銅鑼灣Sogo店獨家發售）
紅白賣相非常搶鏡！鮮紅色嘅原粒士多啤梨下面係紅豆大福，士多啤梨嘅微酸平衡返紅豆實在嘅甜味，而且大福皮非常煙韌，細細粒但滿足感十足。
更多【飲食潮流】： |
士多啤梨乳酪特飲（$68）（尖沙咀海港城、旺角朗豪坊、銅鑼灣Fashion Walk店有售）
最後仲有新推嘅Yogurt Smoothie，喺乳酪當中加入士多啤梨，令酸甜味道更有層次，底層落咗士多啤梨醬，增加口感。
i CREMERiA
銅鑼灣Sogo店：銅鑼灣軒尼詩道555號崇光百貨B2樓15號舖
銅鑼灣Fashion Walk店：銅鑼灣Fashion Walk記利佐治街11-19號1樓F-9號舖
旺角朗豪坊店：旺角亞皆老街8號朗豪坊4樓13號舖
尖沙咀海港城店：尖沙咀廣東道3-27號海港城海運大廈地下OT-G03A號舖
文、相、片：Cathy