終於都望穿秋水，感覺到秋天嘅氣息，涼涼哋除咗打邊爐之外，最好就係食煲仔飯暖暖肚！煲仔飯名店坤記人人都識，唔使諗呢幾日一定好旺場，肯定排晒長龍！今次推介另外5間煲仔飯，質素都相當唔錯，仲有最有風味嘅炭燒煲仔飯，立即bookmark定今個冬天去食啦。
西區第二名店 嚐囍煲仔小菜
港島西除咗有煲仔飯代表坤記，仲有堅尼地城嚐囍。以炭爐炮製，有臘味、滑雞、排骨、田雞、白鱔等配料作唔同配搭，推介黃鱔同田雞，飯焦香脆，加埋秘製甜豉油係冇得輸，難得其他小菜都做得出色。炭火煲仔飯閒閒哋等半粒鐘，要有耐性先好食呀。
圖：FoodBo
圖：炭爐煲仔飯始祖 嚐喜大不同特式餐廳小廚
港島東都有唔少以炭火煲仔飯做主打嘅餐廳，而且全部都係囍字命名，其實系出同門，呢一間店由始祖開店，質素有保證。全年供應煲仔飯，由生至熟全程以炭爐製作，飯粒煮得乾身，飯焦脆卜卜唔過硬。款式口味亦差不多，除了臘味，白鱔、肉餅亦是必吃款式。
圖：ki918
圖：創新拉芝煲仔飯 榮記茶餐室
呢間雖然唔係炭火，勝在款式新穎！傳統煲仔飯都係臘腸排骨、北菇滑雞，呢間有唔少新派口味。拉芝芝士煲仔飯，用水牛及車打兩種芝士製成，配料變成午餐肉或免治雞肉，加煙肉及洋葱粒，頓變成西式口味！其他款式金蠔拼蝦乾煲仔飯、鵝肝拼鰻魚煲仔飯，難怪被譽為「煲仔飯新星」。
圖：
圖：TINEHO
招牌毛家雞 味仟食店
呢間元朗小店唔係人人都知，格局地踎，座位不多亦唔舒適，但入冬就會引來識食人潮。煲仔飯用炭火製作，選用泰國香米，飯粒分明乾身，除了大路款式，招牌作毛家雞加入大量蒜頭辣椒，香辣惹味，雞肉亦帶有酒香。煲仔飯以外亦有小菜、串燒食，難得小店服務都唔錯。
圖：
圖：為食MoJil
文：Perrins