美好的一天由一餐豐富嘅brunch開始～嚟到10月份嘅早午餐主題有德國啤酒節、西班牙小食及意大利主題等，快嘅約埋朋友去啦！

「德國啤酒節」早午餐盛宴 CulinArt 1862 × Heimat  

為慶祝一年一度嘅「慕尼黑啤酒節（Oktoberfest）」，呢兩間餐廳攜手合作呈獻「德國啤酒節」四手聯乘早午餐，為你帶嚟正宗德國風味嘅盛宴！啤酒節當然少唔到脆皮燒豬手，燒豬手搭配自製德國酸菜，兩者平衡得超好～甜品方面有德式蘋果派配雲呢拿吉士醬、德式紅莓奶油布丁同皇帝鬆餅。重頭戲當然係啤酒啦，精選德國啤酒品牌Kaiserdom四款啤酒，包括小麥白啤酒、黑麥啤酒、皮爾森啤酒以及德式窖藏生啤酒無限暢飲，可以盡情感受啤酒節嘅熱情！

供應時間: 2024年10月12至13日，11:30-14:30

西班牙小吃自助早午餐 The Optimist  

鍾情西班牙菜嘅可以試吓呢個西班牙小吃自助早午餐，任食無限量供應嘅西班牙小吃、新鮮生蠔、各式冷盤、精選芝士等美食，更可選擇主菜，如香烤豬肋骨、炭烤牛柳同埋多汁龍蝦燴飯等招牌菜式，絕對係享受週日同公眾假期嘅最佳選擇！餐廳更推出咗彈性十足嘅隨你所「享」早午餐（Flexi Brunch），每逢週六、週日及公眾假期供應，可以滿足食客們聚會時各種唔同口味同飲食需求。

供應時間: 每週六、週日同公眾假期

iao Italia!週六早午餐 意寧谷  

自助前菜區備有超過15款地道意式前菜，當中包括24個月西班牙風乾火腿配哈蜜瓜、意大利水牛芝士、意大利凍肉、油漬雜菜等美食，超豐富！然後就有鮮味滿滿嘅冰鎮海鮮盤，主菜幾推介意大利雲吞配黑松露芝士醬、燉利佛諾海鮮或香烤澳洲羊架。仲會有即席烹調環節，如牛肉他他、朗姆酒蛋糕配鮮忌廉，甜品方面就有意大利芝士蛋糕、朱古力忌廉泡芙、開心果奶酪卷等為你嘅早午餐畫上甜美句號～早午餐更包括無限暢飲MUSTI NOBILIS DOCG意大利氣泡酒𠻹。

供應時間: 2024年９月7日起 (逢星期六)，11:30-14:30

週六限定「暮夜早午餐」Aqua  

夏季進入尾聲，餐廳大受歡迎嘅「暮夜早午餐」亦重新登場！除咗限量供應嘅壽司、刺身同其他精緻前菜之外，仲有嚟自Aqua Tokyo同Aqua Roma嘅多款日式同意式經典菜式！亦有幾款新派菜式，如安格斯牛肉薄片配黑松露蛋黃醬，肉質鮮嫩多汁，配上香濃嘅黑松露蛋黃醬，將黑松露嘅獨特香氣同蛋黃嘅滑順口感完美結合。主菜就推介蜂蜜芥末炸羊排，外層炸至金黃香脆，羊肉保持嫩滑多汁，蜂蜜帶嚟一絲甜味，芥末則為羊排加入微辣嘅刺激，係愛食肉嘅朋友必試嘅招牌菜。

供應時間: 逢週六

文：Yanica
編：Cathy