Hi~ 今次想召集Kuromi嘅fans呀。聽日開始去到下年年頭，一齊去新蒲崗相認啦，好嘛？新蒲崗有商場開咗間Kuromi主題甜品pop up店呀，蛋卷、雪糕、冬甩、馬卡龍之類通通都係Kuromi！

瑞士卷係士多啤梨味，睇你哋都唔怕凍㗎啦，可以加多球雪糕上去一齊食喎。

可以配雪糕嘅甜品仲有冬甩，上面仲有cute cute嘅 Kuromi貝殼馬卡龍。

雪糕有4款：芝麻、芋頭、豆腐同益力多，其中，豆腐嗰隻仲係用真豆腐去磨㗎，豆味幾香。邊隻味都好，一樣都係會有埋Kuromi貝殼馬卡龍。

老是常出現嘅馬卡龍，有波板糖嘅支裝同一盒八粒裝揀。盒裝粒粒味都唔同，包括有Earl Grey、朱古力、抹茶、紅桑子等。不過咩味都好，作為fans，你捨得一啖就食咗Kuromi落肚咩？

呢個鮮果卷都好靚呀，仲可以同多啲人開心些牙。但留心，要早7日訂呀。睇嚟想食嘅話，要早啲plan定喇。

而家咪好興喺杯嘢飲上面放格嘢食，方便大家邊行邊飲又邊食。呢度都係呀，果汁上面都可以放個冬甩，或者直接成球雪糕放入去。

另外仲有啲乳酪脆脆朱古力或者爆谷，有兩款包裝，都應該會成為fans嘅「食完唔捨得扔」系列。

詳情
《Mikiki‧Kuromi佻皮聖誕事務所》甜食店
日期：11月25日 - 2018年1月2日
時間： 12nn – 9pm
地點： 新蒲崗太子道東638號Mikiki地下展廊

文、相：Kar