中文大學 蘭苑餐廳
Photos by heidi123
Photos by 單吊張中大有成30幾間餐廳，多到同學仔喺面書開咗個「CUHK Openrice」嘅page，就知嗰度幾多選擇，而蘭苑就被推崇為學校最有水準餐廳之一。餐廳喺樹林之中，環境清靜。首先要從佢嘅All-day breakfast講起，賣相已經同出面餐廳有得揮，多士烘得香脆，炒蛋嫩滑，漢堡亦多汁。早餐唔夠嘅，可以叫個set lunch，有前菜、主菜、湯同甜品，加埋一百蚊都唔洗。如果你係下午茶時段嚟嘅，仲可以叫個西多嚟食，蘭苑嘅西多一直以厚聞名，有平時幾倍大，非常抵食。
中文大學 Café Tolo
Photos by happygirl9889
Photos by 叮叮w中大和聲書院入面嘅甜品店應該出哂名，首先佢環境已經一流，透過露天茶座嘅落地玻璃，吐露港嘅景氣一覽無遺。甜品方面，亦都係一流嘅質素。最出名嘅係waffle，上碟時熱騰騰咁，有好香嘅蛋味，食落外脆內軟，完全唔淋，重點係佢配嘅係movenpick雪糕，即刻將成個甜品嘅味道昇華咗，埋單只係30幾蚊，比出面賣嘅抵好多。除此之外，佢仲有朱古力火鍋、心太軟、檸檬撻等甜品，落咗堂嚟呢度High-tea，實在太幸福啦～
城市大學 Bistro
Photos by cateng呢間嘢雖然係美心旗下，但就神奇地有各款pizza賣！好似呢個三文魚薄餅咁，芝士同蕃茄味濃郁，每一塊薄餅上都鋪咗片半生熟嘅三文魚，餅底香脆而且厚度適中。9吋大嘅薄餅只需要50幾蚊，包保你食完一個成日都飽到唔想食嘢。
香港大學 CYM Canteen
港大嘅同學仔見到CYM Can，可能有啲質疑，開飯仔要澄清自己想推介嘅係佢嘅早餐，特別係魚柳炒蛋拼多士。炒蛋炒到半生熟，就咁睇仲有蛋汁緩緩流動，賣相吸引，食落嫩滑而且蛋味十足。至於魚柳，炸皮好薄，咬落啖啖都係魚肉，又白又滑。
浸會大學 Bistro Bon
Photos by Lawrence Lau
Photos by vanhaidi睇住呢幾間先，遲下再同大家去其他大學巡個圈。
文: 段
隨時接收最新資訊
讚好OpenRice專頁！