團拜、開年飯食咩好？中菜基本上走唔甩，分分鍾食好幾餐𠻹。不過外出用膳好容易攝取過多鹽同糖分，有損身體健康，所以不妨揀選參加咗「少鹽少糖食店計劃」嘅餐廳，佢哋會提供少鹽少糖菜式選擇畀大家平衡返，好似呢3間中菜館就提供少鹽少糖菜式，佢哋分別走傳統或新派風格，睇吓邊間啱你心水啦～
圖：kannie02
金不換清酒煮蜆
中餐供應嘅蜆料理多數係豉椒、避風塘口味，想有啲新意可以揀呢道「金不換清酒煮蜆」。金不換同蔥衣獨特嘅香氣帶出蜆嘅鮮味，同爆炒料理相比亦毫不遜色；加上蜆本身嘅天然鹹味，只需極少鹽就足以提味喇。
黑松露野菌忌廉汁意大利飯
需要澱粉質嘅朋友可以試試「黑松露野菌忌廉汁意大利飯」，什野菌用牛油同蒜蓉炒香，而意大利飯盡吸菇菌嘅香氣，再利用黑松露提味，咁就可以減少額外加鹽嘅分量，清新口味大人小朋友都啱食。
蒜蓉牛油炒雜菇
小菜方面，唔少人都鍾意食菇類料理，呢道菜用牛油同蒜蓉炒雜菌，其實已經好香口，加上炸蒜作點綴，只需落1/4茶匙鹽吊味，有冇打破你嘅想象呢？
TEAHOUSE/BARHOUSE @wellwellwell
圖：20年陳花雕酒龍蝦蒸蛋
無論團拜或開年飯，最緊要講意頭，所以一般都會食蝦，寓意來年「笑哈哈」，而啖啖肉嘅龍蝦就令人更加食指大動。新鮮大隻嘅龍蝦，肉質爽彈，帶海水嘅天然鹹味，加埋大量蛋汁伴蔥花一齊蒸，鹽同糖分量減半，以蛋香突出龍蝦鮮味更加順喉。
海蝦煮勝瓜
如果人數少啲食唔晒龍蝦，可以揀「海蝦煮勝瓜」，爽口帶鹹味嘅海蝦加上豬肉碎嘅肉香、勝瓜同唐芹嘅清甜，天然味道已經好豐富；再以薑片、少量鹽同糖快炒，去腥提香。
鮮百合炒雲耳
愈多蔬菜就可以放愈少調味料～因爲各種蔬菜本身帶有唔同嘅甜味，只需略加少少鹽同糖就可以吊起佢嘅原味道。健康嘅鮮百合帶獨特嘅清新風味，加入雲耳、蘆筍、黃同埋紅椒一齊炒，一啖就試到各種蔬菜嘅甜呀。
尖沙咀分店
清炒雜菜
食小炒不如揀「清炒雜菜」，椰菜、圓茄、荷蘭豆、蘿蔔、草菇同細粟米都新鮮清甜，呢個減鹽減油版更加健康，口感仲好豐富𠻹。
柚子沙律
呢道菜參考泰式嘅沙律，以充滿果甜嘅柚子肉做主角，配上脆口腰果、檸檬汁同少量糖，酸爽醒胃，好啱做餐前小食。
肉骨湯蠔仔泡飯
鮮味泡飯以自家熬煮嘅肉骨湯為基底，加入鹹鮮嘅蠔仔、豬肉碎同米飯，略略加少許鹽同糖提鮮，再拌勻蔥花、薑絲，層次豐富、回味無窮。
* 資料由客戶提供
