放假想搵個地方chill下？朋友生日想搵啲靚景打卡？0難度！香港有啲度假風滿滿嘅餐廳café，無論係田野景、庭園景定湖景都有，成個世外桃源咁，仲要個個位都係打卡位，點影都靚！
目錄
► 大埔度假風：荷華庭園景餐廳 |
大埔度假風 荷華庭園景餐廳 
圖：
圖：大埔林村附近有間勁有渡假feel嘅餐廳，戶外座位有小木屋同東南亞風涼亭座位，仲有個魚池，感覺夠晒休閒，同閨蜜嚟到坐下傾下再打下卡就一個下畫。大大份BBQ汁燒肋骨，香甜微辣幾惹味。甜品都有幾款選擇，推介輕盈鬆軟嘅梳乎厘，空氣感唔錯，不過呢個要快啲食，唔可以影太耐相，唔係就會塌落嚟啦。
元朗圍爐煮茶 森野薈
圖：
圖：PanPanWong1128、whiteshirtangel
最近大熱嘅元朗田園風餐廳，成個場超大，座位有露營桌椅亦有透明波波帳篷。設有草地又有沙池，仲有韆鞦同兒童遊樂設施，好啱一家大細一齊嚟，大人自己圍爐煮茶嘅時候，小朋友都可以有自己嘅玩樂天地，各有各開心。煮茶豐盛雙人套餐包咗一壺茶、仲有啲小食、主食同肉類，都幾豐富架，最開心係有得燒棉花糖。
梅窩湖畔餐廳 The Hideout
圖：
圖：通常去得郊遊都係想要Chill out一下，梅窩呢間坐喺湖邊，望住湖景嘆啡嘅餐廳就啱晒feel。餐單選擇唔算好多，以輕食、蛋糕同飲品為主。Parma Ham 薄餅都幾脆口，牛油果莎莎Nachos亦都唔錯，兩者都好啱坐喺湖邊邊傾邊食。話明Chill out點少得杯咖啡？呢度仲有affagatto添。
南丫島有機茶館 香草原
圖：
圖：雖然隱世呢個term有啲用爛咗，但南丫島呢間茶館絕對係真‧隱世，就算有心去搵都好易會miss咗個入口。茶館採半露天設計，四圍佈滿攀藤植物同各種綠色植物，就好似走咗入田野間。每日都會有唔同嘅香草茶提供，有機會係香茅斑蘭甜菊、洋甘菊、洛神花甜菊黃薑等款式，味道清甜，坐低靜靜地感受下茶香，個人好容易放鬆，畀自己慢活一個下晝。
文：Kar
