講到最適合下午茶嘅時分當然非春日莫屬！好多餐廳都開返下午茶供應喇，有啲仲有自助餐添！嚟緊又有復活節長假期，同家人、閨蜜去享受下午茶就最啱。今期啲下午茶都好有特色，包括有女仔最鍾意嘅花系主題、抹茶主題、即製pancake等。
Gallery 即製班戟復活節下午茶
係而家坊間已經唔係成日食到嘅法式橙酒煮班戟！呢種班戟係以前港式西餐廳嘅傳統甜品，呢間餐廳供應即席烹調嘅法式橙酒煮班戟配雲呢拿雪糕，入口香甜帶淡淡酒味，好吸引。其他美食包括鰹魚碎燒鵝盞及法式草莓奶油蛋糕等，食到一半覺得有啲膩，嚟返杯來自Omotesando Koffee醇香咖啡或一壺瑜茶舍嘅靚茶就最啱～
供應時間：2022年4月15至18日，下午3時至6時
價錢：港幣$448/位
KITCHEN 復活節「美食狂熱」下午茶自助餐 
至於大胃王，去嘆返個下午茶自助餐就最正！呢間酒店海景餐廳設有特色三文治專區、滋味茶點、香脆小吃、麵食同甜點，如香甜嘅窩夫、葡撻、炸雲吞同香脆鴨卷等，仲有即點即製嘅美食區，通通都任食～
供應時間：2022年4月16至18日，下午3時至5時
價錢：港幣$328+10%/位
普慶餐廳 「午後茶敘」週末下午茶自助餐 
繼續係大胃王嘅世界～呢間人氣酒店下午茶自助餐一向好受歡迎，今次佢哋復活節下午茶以茶做主題，用世界各地嘅茗茶製作多款鹹甜點，包括抹茶紅豆卷蛋、洛神花茶芝士蛋糕、伯爵茶香梨暖布甸等，更有專人即場炮製大熱嘅珍珠奶茶窩夫！鹹點方面有炸蝦熱狗加入檸檬茶味道嘅蛋黃醬、香脆炸雞配蜜桃茶醬等超過廿款鹹點，夠晒豐富呢！
供應時間：4月2日起逢星期六、日及公眾假期，下午3:15至5:15
優惠券：
泰式下午茶$248兩位
午後茶敘週末下午茶自助餐
普慶餐廳自助午餐免費任飲啤酒汽水
The Lounge 全新花系主題「隨您配」下午茶套餐
鍾意打卡嘅，就一定要去試呢個花系「隨您配」下午茶套餐，食客可自選六款花香甜品及四款鹹點，唔怕唔啱食呀。推介造型好可愛、呈仙人掌狀嘅開心果紫羅蘭雜莓撻，仙人掌慕絲由意大利開心果製成，清香獨特。洛神花雲呢嗱慕絲由頂級雲呢嗱同新鮮Mascarpone芝士製成，包裹住濃郁嘅洛神花果醬，酸酸甜甜。鹹點方面黑松露菌雞肉沙律牛角窩夫同鵝肝慕絲甜酒啫喱都值得一試呀。
供應時間：下午2時30分至5時30分
價錢：星期一至五港幣$318/位，港幣$618/兩位；星期六、日及公眾假期港幣$468/位，港幣$748/兩位
呢間酒店就以日式和風為主題，鹹點主打包括雪蟹肉及木魚啫喱配三文魚子撻及日式咖哩雞肉丸，前者鮮甜鹹香，後者加入芝麻、唐辛子及味噌等配料，好惹味。甜點方面，推介抹茶櫻花蛋糕，選用正宗日本抹茶，茶味香濃甘香，帶有淡淡櫻花香氣。紫薯泡芙入面有滿滿紫薯肉，紫薯味好突出。最後士多啤梨紅豆慕絲蛋糕以時令士多啤梨配上紅豆，甜而不膩。
供應時間：2022年4月1日到6月30日
價錢：港幣$428/位、$718/兩位
GREEN 歐陸下午茶聚三部曲
集傳統afternoon tea及high tea於一身，既有afternoon tea嘅精緻元素，同時又好似傳統英式high tea咁豐富～呢個下午茶三部曲會分三次呈上，包括四款特色前菜、自選一款主菜及三層架甜品。主菜有味噌大西洋智利鱸魚配蜜糖蛋黃醬、阿根廷草飼牛柳配紅酒汁及香煎北海道帶子野菌意大利飯。令人最期待嘅甜品環節有8款，如英式傳統鬆餅、香芒熱情果奶凍、柑橘馬卡龍同柑桔白朱古力慕絲曲奇等。
供應時間：由2022年4月4日至另行通知，每日下午3時至6時供應
價錢：港幣$398/位、$688/兩位
Matchali 抹茶主題下午茶
各位抹茶控，唔好錯過呢個由Salisterra 同Matchali 首個聯乘嘅抹茶主題下午茶啊。多款甜鹹點中注入抹茶元素，包括鬆軟嘅迷你抹茶橘子冬甩、抹茶焦香芝士蛋糕、焙茶檸檬香梨撻、黑芝麻抹茶紅豆泡芙同抹茶法式焦糖蛋糕等。客人更可選配即席以人手拂茶，選用Matchali 手工採摘嘅頭茬茶道級抹茶製成嘅抹茶拿鐵，茶味相當香濃。另外亦可選擇抹茶雞尾酒，Matcha Grasshopper 帶有濃厚嘅朱古力泡沫，而Matcha Gin Tonic則清爽輕盈，chill得嚟帶有新鮮感。
供應時間：即日起至5月29日 ，每日下午3時至5時
價錢：1 位 港幣 $320 | 兩位 港幣 $598，包括自選茶、咖啡或 Matchali拿鐵；升級享用抹茶雞尾酒，附加港幣$78（價格附加一服務費）
文: Yanica
編：Kar
