蜂蜜滋潤養顏，用嚟整甜品同護膚品都得，如果想一次過感受呢兩種體驗，而家可以去唯港薈主打下午茶嘅GREEN，享用以蜂蜜為主題嘅限定「金蜂悅蜜下午茶」，入面包括12款鹹甜點㗎。餐廳更首度同殿堂級品牌法國嬌蘭Guerlain合作，凡惠顧呢款下午茶，可獲贈價值港幣$720嘅嬌蘭殿級蜂皇系列禮品（每位乙份^，每兩位兩份^），以及其他優惠禮遇。

行政總廚何偉誠師傅（Danny Ho）帶領團隊，以嬌蘭殿級蜂皇系列同蜂蜜為靈感，製作出多款呈金黃色嘅茶點，再用全人手製造嘅金色畫框造型層架同調色板呈上，為大家帶嚟法國藝術氣息。下午茶除咗特別設計11款鹹甜點外，仲配埋招牌英式鬆餅（附奶油忌廉、自家製紅桑莓荔枝玫瑰果醬、藍莓檸檬馬鞭草果醬），以及TWG優質茗茶或illy即磨咖啡乙杯，其中TWG茗茶有12款口味可供選擇，總有一款啱你喜好。

5款鹹點用上海、陸、空食材

為咗讓食客品嚐到唔同嘅鮮味，5款鹹點用上多元化嘅食材，包括帶子、蟹肉、黑毛豬腩肉、鵪鶉蛋等。其中廚師推介嘅香煎北海道帶子伴黑松露三文魚子炒蛋，用返帶子外殼盛載，色香味俱全亦夠晒別緻。另外，Danny更選用蜜糖珍珠，配搭經典嘅意大利風乾火腿手指條伴蜜瓜，中和火腿嘅鹹味。

香煎北海道帶子伴黑松露三文魚子炒蛋

蟹肉魚子脆餅、意大利水牛芝士配西瓜及青瓜串，juicy又帶點鹹香

慢煮黑毛豬腩肉酥皮盒配鵪鶉蛋、意大利風乾火腿手指條伴蜜瓜及蜜糖珍珠

6款打卡甜點

酒店嘅糕餅主廚為6款甜品設計咗IG-able嘅造型。好似蜂蜜乳酪芒果奶凍，模仿法國嬌蘭花草水語系列香水樽外形，打開朱古力蓋會見到有金蜂標誌嘅花形朱古力片、大量芒果肉等；而蜂蜜檸檬乳酪柚子蛋糕，更製成微胖蜜蜂造型，非常可愛，帶畀你味覺同視覺雙重享受。

蜂蜜檸檬乳酪柚子蛋糕

金蜂悅蜜馬卡龍配搭蜜糖夾心，蜂蜜乳酪芒果奶凍則有大量芒果肉

花形嘅芒果拿破崙、以食用金箔點綴嘅玫瑰紅桑果馬斯卡邦尼撻，造型優雅

無限量供應嘅自家製蜂蜜乳酪軟雪糕，配上酸甜嘅乳酪脆脆，再插上蜂巢造型朱古力片

送法國知名品牌護膚品

法國嬌蘭殿級蜂皇系列禮品

每位惠顧「金蜂悅蜜下午茶」嘅賓客，均可獲贈價值港幣$720嘅嬌蘭殿級蜂皇系列禮品一份^、殿級蜂皇速效手部護理服務換領券一張。另外喺推廣期內，於法國嬌蘭官網購買任何殿級蜂皇產品並輸入優惠碼「ICON」，可獲尊享禮遇^^。

「金蜂悅蜜下午茶」
供應日期：即日起至2022年10月31日（需提前一天訂座）
供應時間：
星期一至五：14:45-16:45
星期六、日及公眾假期：【首輪】14:45-16:45，【次輪】16:45-18:45
價錢：
星期一至五：港幣$418*/位，港幣$728*/兩位
星期六、日及公眾假期：每位港幣$448*/位，港幣$758*/兩位
了解更多：（按此）
查看菜單：（按此）
網上訂座：（按此）
查詢：3400 1300 

*以上價目另收加一服務費。需提前一天訂座
^禮品數量有限，先到先得，送完即止
^^只適用於推廣期內，受Guerlain.com條款及細則約束