青衣素有「美食沙漠」之稱，好多走鬼檔都幾乎喺長發邨絕跡。唔通青衣居民以後都無得享受掃街樂趣？唔駛怕！最近長發廣場翻新後，多咗好多人氣熱門餐廳進駐，仲有提供各式街頭小食嘅長發食堂，部份店舖會營業到凌晨，成為大家嘅掃街或者宵夜新蒲點。
長發食堂係位於長發廣場地面樓層嘅一條美食街，提供唔同種類嘅街頭小食，畀大家邊行邊發掘特色美食，歎勻中日韓台美食。
呢間小食店有寄賣超高人氣嘅元朗鬼巴士滷味，招牌生腸腸皮煙韌無內臟味，牛柏葉新鮮爽脆，淋上芥末同甜醬，入口甜辣惹味。
迷你雜錦 $15
提供多款自家製傳統涼茶，有廿四味、夏枯草、五花茶等，有助清熱解毒。掃街時飲翻碗涼茶，就算食幾多熱氣小食都無有怕啦。
各式涼茶 $10
呢款糯米鳳翼包，係無骨雞全翼包住糯米飯餡，雞翼塞到好飽滿，糯米飯濕潤軟糯，仲吸收咗少少雞翼汁，味道鹹香可口。
糯米鳳翼包 $18
自家麻辣燙嘅湯汁由店舖自家調製，湯底夠辣帶麻香，好刺激，啱晒鍾意食辣嘅朋友。加上魚蛋大粒又彈牙，非常滿足。
自家麻辣燙 $30
招牌車仔麵非常足料，成碗鋪滿牛筋、牛腩、豬大腸，滷水都幾入味。
招牌車仔麵 $48
鹽酥雞外皮香脆，雞肉肉質嫩滑。
台式鹽酥雞 $28
除咗長發食堂外，仲有好多人氣餐廳進駐廣場，有齊中、西、日、韓、泰等多國美食。
人氣泰式食店，招牌菜式原隻鮮菠蘿海鮮炒飯採用新鮮菠蘿製作，材料配搭豐富，海鮮又新鮮彈牙。
原隻鮮菠蘿海鮮炒飯 $83
脆香咖哩大包軟殼蟹亦都係店舖特色菜之一，咖哩汁帶濃郁椰香，辣度適中，配香脆軟殼蟹同麵包食，好有泰式風味。
脆香咖哩大包軟殼蟹 $108
一口烘焙
提供各式創意烘焙食品，即製梳乎厘班戟口感比較實在，帶淡淡蛋香。而特飲玩轉太空造型好有特色，白桃梳打倒插杯中，配粒粒士多啤梨果肉，香甜解渴。
提供各式創意烘焙食品，即製梳乎厘班戟口感比較實在，帶淡淡蛋香。而特飲玩轉太空造型好有特色，白桃梳打倒插杯中，配粒粒士多啤梨果肉，香甜解渴。
梳乎厘班戟 $58 & 玩轉太空 $32
一休（居食屋）日本料理
呢度嘅銀鱈魚西京燒非常值得推介！銀鱈魚先以西京味噌醃製兩日，再以高溫烤製，肉質豐滿嫩滑，魚味香濃。
呢度嘅銀鱈魚西京燒非常值得推介！銀鱈魚先以西京味噌醃製兩日，再以高溫烤製，肉質豐滿嫩滑，魚味香濃。
銀鱈魚西京燒 $88
另外，呢道唐揚墨魚咀以味淋、清酒同日本醬油醃製，再酥炸至香脆，令墨魚咀鬆脆爽滑。
唐揚墨魚咀 $58
地址： 新界青衣擔桿山路6號長發廣場
文、相、片：Kenna
文、相、片：Kenna