香港8大牛腩粉麵推介本地新鮮牛腩、無味精小店

牛腩麵，麻甩得嚟夠地道，可以話係香港嘅代表美食之一。要煮好一碗牛腩麵，由挑選同炆煮牛腩，到湯底同麵都唔簡單。今期集合咗8間本地牛腩麵畀大家，除咗傳統清湯腩店，亦有啲新式餐廳，睇下邊間啱心水。

天后人氣清湯腩華姐清湯腩

連續多年得到米芝蓮推介嘅麵店，採用每日屠宰嘅本地新鮮牛腩，供應崩沙腩、爽腩同坑腩，三個部位各有千秋，鍾意爽脆口感就要揀爽腩啦。湯底濃郁得嚟好清，有層次感。

一間同時供應港式同越式粉麵嘅餐廳，招牌包括牛雜同牛腩。牛腩軟腍有牛味，如果叫砂腩口感更為嫩滑。想轉換口味可以考慮下越式湯底，加入洋蔥及檸檬幾清新。

主打清湯腩同雲吞麵，觀塘街坊們極力推介嘅麵店。清湯腩份量多，每件牛腩都夠腍、入味同有肉香，蘿蔔亦清甜無渣，連清澈嘅湯底都有陣陣牛腩香味，難怪最近人氣大升。

米芝蓮加持英記麵家

西營盤小店，已經連續5年獲得米芝蓮推介。如果口味偏向濃啲嘅朋友，咁呢間嘅牛腩麵就啱晒，牛腩用滷水料浸過夜，鹹淡適中，連牛肉湯底都好濃郁，麵質彈牙無鹼水味。

家傳牛腩麵小蓉麵家

沿用家傳秘方煮出嚟嘅牛腩麵，牛腩夠晒爽口之餘煮得夠嫩，筋腩比例平均，脂肪比例都好均勻，一入口油香滿溢，配合爽口嘅幼麵，係一碗出色嘅牛腩麵。

中環懷舊老店玉葉甜品

位於中環街邊嘅粉麵老店，大排檔好有香港風味。牛腩麵好足料，湯底加上滿滿腩汁，牛腩肥瘦適中，牛筋都充滿骨膠原。麵質方面韌度適中，一咬即可咬斷。

旺角清湯腩專門店，一上枱就聞到好香牛湯味，濃而不濁，好清甜，飲晒成碗都唔覺口渴。牛腩選用新鮮牛肉，牛味極濃，口感都好爽滑。

新鮮牛骨熬湯大利清湯腩

本身同華姐一樣係天后其中一間清湯腩名店，可惜上年因租約天后分店已結業，而家得返鰂魚涌分店咋。最出名係佢哋嘅湯底，用過百斤新鮮牛骨熬成，牛味香濃亦清甜。

文: Yanica