2月份好評十強中共有4間餐廳首次上榜，其中兩間都是新店──本地薑朱古力品牌Vero及土耳其人開設的焗薯專門店薯皇。另外，捲土重來的大埔亞婆豆腐花近期人氣急升，2月份更一度最高升至第二位。
（Cover Photo by 石頭記）

*排名機制：以當月的笑臉減去喊臉食評數目計算，如結果相同再按笑臉數目以及當月餐廳所得的平均得分排名。

注目上榜餐廳

（Photo by 石頭記）
第二位 亞婆豆腐花
一間位於大埔的豆腐花店，2月份突然跳升打入好評十大榜的第二位，原因是這間豆腐花店「強勢回歸」，曾遷舖多次的亞婆最近在舊店附近重開新店，冷熱選擇每碗都是$5，雖然要站在街邊食，但滑溜的豆腐花還是吸引到不少街坊甚至外來客遠道而來品嘗。
天瑩：跟住再叫左碗熱豆花。嗱~！呢次就真係睇到又食到那種"出奇滑"啦~！滑到咁，真係驚喜！不過，至於豆味方面，我覺得只係普通，因為甜味蓋過了豆味，豆味熱花多過涷花。
ERROR：呢間店賣既豆腐花係我食過最好食…真係好滑 本人比較喜歡滑既，同埋 佢既糖水岩岩好，有得自己加薑糖，自己加黃糖，價錢合理，推介！
石頭記：實在係太滑溜喇又有豆香，落少少糖水同黃糖已經令人回味無窮，而且天氣仲凍凍地，食番碗熱騰騰既豆花，暖笠笠…正

（Photo by SMASHING PUMPKINS）
第五位 Vero
05年創立的本地朱古力品牌Vero，今年1月於分域碼頭開設專門店，店內放滿朱古力花、朱古力兵馬俑，儼如一間朱古力博物館，開放式朱古力工場更可讓顧客直擊朱古力製作過程。食家們到此店必定一試的是75% Hot Chocolate，朱古力熱力將放在表面的黑朱古力熱溶，令香滑的朱古力更濃稠，過程亦充滿玩味。
SMASHING PUMPKINS：面前的75%，面頭舖上粒金箔的熱朱古力……先嚐到朱古力的香濃味道，質感豐厚，再喝下去，朱古力本身的苦便盡情發揮。越來越濃，越來越苦，最後的強烈餘韻，令人夢牽魂繫。
蝗蟲同學：朱古力味極香濃，帶點咖啡嗰種甘苦，aftertaste極強烈，正！飲完一杯咁勁嘅朱古力，其實都幾飽滯，但我飲過最好飲的hot chocolate真係非佢莫屬，極力推介！
Yan~*：留下較佳印象的，是Autumn/winter collection，當中尤以圓形的軟心焦糖朱古力最為特別，一咬開香脆朱古力外層，裡面的焦糖醬迸發，令甜魔留下最深印象。

（Photo by 小漏漏）
第八位 King Ludwig Beerhall
香港可以食到德國菜的餐廳不多，King Ludwig Beerhall可算是當中最馳名的一間，主打正宗德國風味的燒豬手，每燒15分鐘便噴灑啤酒一次，所以令豬手皮脆鬆化，食家會員的大部份食評，都對豬手有讚無彈。
小漏漏：必點的apple strudel：來這里有一半就是為了這件令漏漏朝思暮想的甜點呢，尤其是剛端上來暖笠笠的~微微酸甜的蘋果蓉蘸上些許甜美幼滑的吉士醬，再搭配酸得清新開胃的紅莓醬，實在是味蕾的豐富享受！
桐桐公主：平時豬手一隻要百幾二百元，Tea Buffet都可以任食。豬手，皮燒得脆卜卜，一咬即碎，好好食，肉質嫩滑，咸度適中，超好食！
☆小穎頤☆：德國脆皮豬手 - 侍應幫我地起埋肉，今次四個人分所以冇咁吃力…皮脆肉嫩，肉亦都燒得鹹香~

（Photo by ywai）
第十位 薯皇
又一間以薯仔做小食的專門店開業，店主為土耳其人，特地從土耳其訂製薯仔焗爐，另設保溫機，以保持焗薯的溫度。一有顧客落單，就在焗薯上加入牛油和芝士攪拌，然後加上配料及醬汁。不過普遍食評都認為醬汁太多，過份掩蓋了薯仔的味道，但店主笑容可掬，值得一讚。
ywai：薯味不濃烈，當把它吞下時，才有1陣微辣的感覺~而有免治牛肉的那部份，零舍惹味！但是 薯上的汁，搞過後…就消失得無影無蹤了哩。28元1個好像貴了點，但是看得出老闆的誠意，還是值得1見這個皇的。
KenStorm：焗薯上面有沙律、芝士、兩種沙律醬及茄汁，我相信整薯蓉時有落牛油，所以薯仔本身都好香，不過沙律醬似乎太多，搶了薯味。
bibi_yu：薯仔整到腍得黎又唔會變成一"pat"野咁，值得再黎食埋其他款式，只可惜要企係條街度趁熱食就唔太方便啦。