又到攞正牌打邊爐嘅季節！一班人想食得盡興首選當然係放題，今次開飯仔就幫大家精選五間特色港式火鍋放題餐廳，包括無限時任食食足一晚嘅高CP值之選，或者八十年代復古裝修可以瘋狂打卡嘅小店都應有盡有啊。
無限時任食+蒸海鮮盛宴 斗滾
各位大胃王注意！呢間喺西環同尖沙咀都有分店嘅火鍋店主打無限時任食，晚市營業時間由夜晚5點開始至凌晨1點，真·食足一晚都得！而且任食套餐包埋打卡一流嘅海鮮盛宴，蒸鮑魚、蟶子、扇貝、海蝦等一列排開超級澎湃。包埋任食雞煲同滋補火鍋湯底，湯底係養生燉湯，足料清甜，打邊爐之前不妨飲返碗先。
圖:
無限時任食+自選頭盤 味火鍋 
同樣以無限時任食打響名堂嘅尖沙咀火鍋店，晚市營業時間從6點開始到半夜12點，即係最長可以任飲任食足足六個鐘啊！佢哋供應嘅頭盤加任飲任食火鍋四部曲套餐非常豐富，自選頭盤有四川麻辣雞煲、老壇酸菜魚、芝士焗波士頓龍蝦、芝士焗美國生蠔四選一。包埋時令海鮮拼盤、安格斯牛肉拼盤、自選湯底，其他配料就用QR code落單任食。
圖: susannasee
復古戲院裝修 火水爐冰室火鍋 
位於旺角鬧市，以老香港戲院裝修為主題嘅冰室兼火鍋店，有唔少打卡位同時佢哋嘅食物水準都唔錯。招牌雞煲火鍋放題包括麻辣雞煲同自選花膠湯底，前者雞肉惹味、後者湯底真係有花膠啊。配料方面最平嘅套餐係任食黑毛豬，最貴嘅套餐就可以任食牛頸脊、封門柳、牛板腱等，各位食肉獸可以按喜好選擇。用OpenRice訂座，午市同宵夜時段都有特價！
訂座優惠：午市時段/宵夜時段:120分鐘雞煲花膠火鍋放題套餐優惠
圖:
更多【開飯專題】： |
生日送肥牛蛋糕 初心 
如果係一班朋友想慶祝生日，就可以留意將軍澳呢間火鍋放題店，皆因用OpenRice網上訂座，生日正日前後3日惠顧火鍋晚市放題，四人或以上同行額外送一個肥牛蛋糕！本身個放題套餐都非常吸引，包括日式刺身、環球海鮮船、餐前小食、招牌雞煲、自選湯底，同肉類、配料等任食，非酒精類飲品及熱蕎麥茶任飲。
預付訂餐：[1位用,2位起]150分鐘刺身、海鮮、雞煲及火鍋晚市放題
圖: 餐廳Facebook
16款湯底任揀+任食澳洲和牛 一鍋堂
呢間港式火鍋店喺旺角、葵芳、荃灣都有分店，招牌之一係佢哋恆常嘅16款湯底，部分用上標榜每日用60斤豬骨新鮮熬製純豬骨湯膽，再加唔同食材配搭出杏汁豬肺湯、沙參肉竹鯊魚骨湯等靚湯底。更有素食友善嘅養生藥膳湯同胡椒鹹菜雲耳湯。午市同晚市火鍋放題最高級可以任食澳洲和牛同超過100款配料啊！
文: Cathy.H
