又到大家最期待嘅自助餐啦！嚟到8月份嘅自助餐好多元化呀，如港式海鮮主題、榴槤甜品主題、主打即叫即煮嘅、同本地老字號食店合作嘅同埋和牛海鮮自助餐，大胃王準備好未呀！

目錄

榴槤甜品祭自助餐 PLAYT

夏日就係榴槤嘅季節！呢間餐廳推出榴槤甜品祭自助餐，將頂級榴槤果肉如D197貓山王、D101柔佛黃金及D24蘇丹王製成各種甜品，榴槤控流晒口水未呀～推介柔佛黃金榴槤日式卷蛋，選用口感幼滑且香甜軟糯嘅柔佛黃金榴槤，同香滑嘅奶油合二為一，卷蛋質感都好綿密。另外仲有柔佛黃金榴槤拿破崙、貓山王榴槤甘露布甸、蘇丹王榴槤香酥葡撻同蘇丹王榴槤意式雪糕。除咗榴槤甜品，亦提供生蠔、波士頓龍蝦、頂級安格斯牛肋排、壽司、刺身及精緻中式點心，好豐富呀。

供應時間：2023年8月1- 8月31日

西貢海鮮盛宴自助晚餐 JW咖啡室  

講到自助餐又點少得海鮮呢，不過今次唔係海鮮凍盤，而係以港式海鮮為主題嘅「西貢海鮮盛宴」！包括上湯龍蝦伊麵、酒香四溢嘅花雕雞油蒸花蟹、金銀蒜粉絲蒸扇貝及蟹皇扒龍躉；仲有鑊氣十足嘅香脆酥炸生蠔配柚子蛋黃醬、椒鹽鱔球及香辣惹味嘅避風塘炒肉蟹，好似去咗中菜館咁～同時都有冰凍海產、日式手握壽司、刺身、香烤牛肉、香草煎羊架、北京烤鴨同埋星期五至日限定嘅火炙日本A5和牛壽司等。

供應時間：2023 年 8 月 1 日至 31 日，晚上 6 時至 10 時(星期一至日) 

全新即點即煮風味自助晚餐 馬哥孛羅咖啡廳 

食物要好食其中一個重點就係要熱辣辣呀～呢個自助晚餐亮點推介即席烹煮專櫃每日供應嘅60款食材，由食客自選喜愛食材及烹調方式，交畀大廚即席炮製。包括每日各12款海鮮及肉類、20款時令蔬菜、8款醬汁及8款配菜，當中包括和牛、豬柳、羊扒、鮑魚、蠔、蟹、蟶子及扇貝等，推介薑葱炒蟹、炸軟殼蟹、醬油蒸魚、泰式烤豬頸肉、蜜汁芥末香烤豬肋骨及燉羊肉等～

供應時間：由8月1日起至9月份

國際海鮮及「港式 ‧ 港食」自助餐 Café Kool 

呢間推出國際海鮮及「港式•港食」 自助餐，同三間本地老字號食店鏞記酒家、麥奀記及樹記腐竹合作，食客可以喺指定日子之早午餐、午市及晚市自助餐時段食到呢三間嘅招牌菜。如鏞記酒家嘅至尊炭燒肥燶叉燒飯同生煎鵝肝腸多士；麥奀記嘅雲吞麵、水餃麵、柱侯牛腩麵及京都炸醬撈麵同埋樹記腐竹嘅腐竹雪糕！當然仲有無限量供應嘅原隻龍蝦(晚市)、即開生蠔、刺身同惹味烤肉呀。 

供應時間：2023 年 7 月 15 日起

「和牛盛宴」海鮮自助晚餐 尖沙咀凱悅酒店咖啡廳   

牛魔王至愛嘅「和牛盛宴」海鮮自助晚餐～以滿佈雪花紋的澳洲及美國和牛入饌，包括泰式和牛沙律，酸酸辣辣夠晒開胃，正式開餐前食就最啱。灸燒和牛壽司油花豐富，略燒後逼出油份，入口油潤細嫩，配埋自家製燒汁更惹味；吉列和牛粒外脆內嫩，牛味濃郁。另有韓式和牛飯卷、和牛印度脆包及巴東和牛咖喱等。亦供應多款可持續發展海鮮，包括可持續發展波士頓龍蝦三味、越南海蝦、加拿大海螺、新西蘭青口、阿拉斯加鱈場蟹腳等。

供應時間：由8月1日起至11月30日

「味遊澳洲」 自助晚餐 薈景

雖然而家又去得返旅行啦，但有時遠嘅國家都唔係咁易就時間去到㗎～如果想喺香港感受澳洲風情，可以試下呢個「味遊澳洲」自助晚餐，選用由澳洲空運到港嘅食材，重點係唔同嘅海鮮。如澳洲生蠔肉質鮮甜飽滿零雜質，配以柑橘薑配蟹子汁或柚子紅醋令層次更豐富；南澳嘅Kinkawooka青口鮮嫩多汁而且肉質都彈牙。另外當然唔少得肉類啦，即切嘅燒特級澳洲草飼 Mb2+牛肋肉及燒澳洲羊架配杏仁芥末會每晚輪住供應。仲有多款熱食如慢煮澳洲和牛面頰及紅酒燴澳洲油鴨腿，選擇真係勁多元化。

供應時間：2023年7月12日至9月30日

文: Yanica