碼頭故事 (已搬遷) 新店位置

一直都好想試吓食碼頭故事，今日終於有機會食到啦。呢度嘅裝修好特別，古色古香咁，好有氣氛。我地揀咗鴛鴦鍋，一邊係店員推介嘅招牌麻辣湯底，另一邊就係菌湯鍋。麻辣湯底真係好香，入面有好多辣椒仔同胡椒，嗰陣辣味好刺激，同普通得個辣字嘅火鍋湯底好唔同，而且越滾越辣，去到最後有一層好厚嘅鮮紅色辣油係面，個人認為呢個湯底真係岩哂中意食辣嘅人。菌湯底就清淡啲，有冬菇同金針菇，可以中和返味道比較濃嘅麻辣湯。嘢食方面我地嗌咗一米肥牛，上枱之後就發現佢真係有一米長，一共有10片肥美嘅牛肉，牛肉味好香，又夠肥，配埋麻辣湯底，好好食。羊肉卷嘅份量都好多，大概有十幾片，賣相好靚，食落好香羊肉味，因為好新鮮，所以就算擺落菌湯底到都唔會有好大陣羶味。獅頭肥鵝腸勁新鮮，每條都帶有少少肥膏，所以食落好有口感，點埋蔥花麻油，真係好正。三秒海帶芽有一大碟，跟指示滾三秒就食得，爽口得黎感覺好健康。值得一提嘅係佢嘅茶係玄米茶，米香好濃，同肥肉好夾，超級解膩。希望下次多啲人黎可以試到多啲菜式啦。

成都人氣火鍋「碼頭故事」有多達200間分店，半年前殺入尖沙咀。正所謂唔係猛龍唔過江，今晚終於有機會一探究竟。番茄鍋是晚友人喉嚨有一點唔舒服，不宜吃辣。番茄鍋用料十足酸酸甜甜很開胃。一米肥牛以肥牛舖滿一米長碟，最啱打卡用！牛肉真係好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。水滾淥十秒剛剛好食得，口感腍滑。油香、肉味，皆出色。茴香小油條佐酒一流。手工韮菜餃韭菜味香濃，鐘意食韭菜嘅人絕對唔可以錯過。特製魚皮餃唔會淥到甩皮甩骨，包得紮實。餃皮煙韌有彈性。菜心苗蔬菜種類多，而且非常新鮮。

新火鍋店聽聞嚟自成都好出名今日就過嚟試下啦😘店舖嘅裝修好有古代客棧嘅味道充滿古色古香👍🏻好似回到過去咁我地揀咗個招牌牛油鴛鴦鍋牛油紅鍋真係好正好香大骨百味鍋香濃足料鴨血好好味，配紅湯一流👍🏻至於蝦滑好抵，一份有三板冰住上保持質素♥️食落彈牙爽口配骨湯一絕打卡必點，我緊係要試😂肥牛切得好薄焯一焯就食得食到停唔到♥️一米鵝腸♥️用料新鮮每條都長一米💪🏻呢個鮮魷片👍🏻配骨湯最正帶出鮮味呢個芝麻香油碟好正😘設計好好好方便👍🏻